प्रोजेक्ट गोदाच्या कामातील गाळ शेतकऱ्यांनाच उचलण्याचे आवाहन 

नाशिक : स्मार्टसिटीअंतर्गत प्रोजेक्ट गोदाचे काम सुरू असून, यात गाळ काढून नदीची खोली वाढविली जाणार आहे. परंतु गाळाची विल्हेवाट लावण्याची अट असताना ठेकेदाराने त्याकडे दुर्लक्ष केले असून, स्मार्टसिटी कंपनीकडून गाळ घेऊन जाण्याचे आवाहन शेतकऱ्यांना केले जात आहे. 

स्मार्टसिटी कंपनीची ठेकेदाराला पोषक भूमिका 
स्मार्टसिटीअंतर्गत प्रोजेक्ट गोदा प्रकल्प राबविला जात आहे. या प्रकल्पांतर्गत गोदावरी सौंदर्यीकरण, पायाभूत सुविधा, ट्रॅश स्कीमरच्या सहाय्याने नदीची स्वच्छता करणे, अहिल्यादेवी होळकर पुलाखाली स्वयंचलित दरवाजे बसविणे, हेरिटेज वॉक, काँक्रिटीकरण उखडणे व नदीतील गाळ काढण्याचा समावेश आहे. प्रोजेक्ट गोदाचे काम सुरू झाले असून, त्यापूर्वी नदीपात्रातील गाळ हटविण्याचे काम हाती घेण्यात आले आहे.

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

गाळ उचलण्यासाठी शेतकऱ्यांना आवाहन

गोदापात्रातील गाळ हटविल्यास नदीची खोली वाढून पाण्याच्या प्रवाहाला गती मिळेल. पावसाळ्यात पुराचा धोकाही कमी होणार असल्याचा दावा केला जात आहे. गाळ उपसल्यानंतर तो नदीच्या कडेला टाकला जात आहे. गाळ उपसल्यानंतर त्याची विल्हेवाट लावण्याची जबाबदारी संबंधित ठेकेदाराची असताना स्मार्टसिटी कंपनीने गाळ उचलण्यासाठी शेतकऱ्यांना आवाहन केले आहे. ठेकेदार कंपनीने गाळ उचलून पाच किलोमीटरवर टाकण्याची अट आहे. शेतकऱ्यांना गाळ उचलण्याचे आवाहन करून ठेकेदाराला पोषक भूमिका स्मार्टसिटी कंपनीच्या अधिकाऱ्यांनी घेतली आहे.  

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप