खुली मिठाई, दुग्धजन्य पदार्थांवर 'बेस्ट बिफोर डेट' बंधनकारक; अन्यथा होणार कारवाई

Indian-sweets.jpg
Indian-sweets.jpg

नाशिक : (सातपूर) मिठाई व दुग्धजन्य पदार्थ नाशवंत असल्याने त्यापासून मानवी शरीरावर दुष्परिणाम व विषबाधेची शक्यता गृहीत धरून अन्नसुरक्षा व मानके प्राधिकरण यांनी ग्राहकांना खुल्या स्वरूपात मिठाई सुरक्षित मिळण्यासाठी १ ऑगस्टपासून खुल्या मिठाईला 'बेस्ट बिफोर डेट' प्रदर्शित करणे बंधनकारक केले आहे, असे अन्न व सुरक्षा विभागाचे सहआयुक्त चंद्रशेखर साळुंखे यांनी सांगितले.

मिठाईवर 'बेस्ट बिफोर डेट' प्रदर्शित करावे...

या संदर्भात सहआयुक्त श्री. साळुंखे यांच्या दालनात शहरातील प्रमुख मिठाई उत्पादक, विक्रेते व पदाधिकाऱ्यांची बैठक मंगळवारी (ता. २९) बोलविण्यात आली. बैठकीस सहाय्यक आयुक्त गणेश परळीकर उपस्थित होते. प्रशासनातर्फे नवीन आदेशाबाबत सर्व उपस्थितांशी चर्चा झाली. उपस्थितांनी मिठाईवर अशा प्रकारे 'बेस्ट बिफोर डेट' टाकण्याबाबत आश्वासित केले आहे. सर्व मिठाई उत्पादक, विक्रेते, हलवाई, हॉटेल व्यावसायिकांनी त्यांच्या आस्थापनेत विक्री होणाऱ्या खुल्या मिठाईवर 'बेस्ट बिफोर डेट' प्रदर्शित करावे, असे आवाहन करून या तरतुदीचे उल्लंघन शिक्षेस पात्र आहे, असे श्री. साळुंखे यांनी सांगितले. सातपूर परिसरातील अशोकनगर येथील मिठाई विक्रीसंदर्भातही तक्रारी वाढत असून, यात लक्ष घालण्याची मागणी नागरिकांनी केली आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com