अरेच्चा! सरड्याला बघण्यासाठी पोलीस चौकीजवळच जमली गर्दी? भरचौकात फोटोशुट

shamilin sarda.png
shamilin sarda.png

नाशिक : (देवळाली कँम्प) सकाळची वेळ...भरचौकात जमलेली गर्दी बघून जो तो धावतच गर्दीकडे जात होता. कुणी फोटो काढतंय, तर कुणी व्हिडीओ. त्यातल्या त्यात गर्दी होती पोलिस चौकीजवळ? असं काय होते तिथे की बघ्यांची तुफान गर्दी जमली...? वाचा काय घडले?

असा आहे प्रकार

भगूर पोलीस चौकीजवळ मंगळवारी (ता. 29) सकाळी तुफान गर्दी जमली होती. काहींना वाटले भांडण झाले तर काहींना वाटले काय तरी नवीन आहे. जो तो गर्दी करत होता. तेथे रस्त्याच्या दुभाजकावर शामिलिन लिझर जातीचा सरडा आढळला. त्याला बघण्यासाठी नागरिकांनी ही गर्दी केली होती. सदर सरडा फक्त झाडावर वावर असतो. तो सरडा भगूर पोलीस चौकी समोरील कॉक्रीटीकरण रस्तावर दिसताच ये - जा करणारे अनेक नागरिक मोठा व वेगळाच सरडा बघून मोबाईल मध्ये फोटो काढून घेत होते. शामिलिन सरडा दाट झाडांवरच आढळून येतो. अनेक ठिकाणी झाडे तोडल्यामुळे व कीटक नाशक वापरल्यामुळे संख्या खूप कमी झाल्याचे प्राणी मित्र रोहन जगताप यांनी सांगितले. 

साडेबारा वाजेच्या दरम्यान वननिभागाचे वनरक्षक विजय पाटील, प्राणीमित्र रोहन जगताप, आशिष पवार, मनोज जगताप, प्रथमेश भवर व मंगेश परदेशी यांच्या सहकार्याने त्याला आदिवसी भागात सोडण्यात आले. सदर शामिलिन लिझर जातीचा सारडा आदिवासी पट्ट्यात पावसाळ्यात आढळतो. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com