पालकांनो..तुमच्या मुलांकडे नायलॉन मांजा सापडला तर लक्षात ठेवा!

नाशिक : नाशिकमध्ये एका महिलेचा नायलॉनच्या मांज्यामुळे गळा चिरला गेला. यात तिचा दुर्दैवी मृत्यू झाला. यानंतर नागरिकांच्या सतत मागणीमुळे प्रशासनही खडबडून जागे झाले आहे. अनेक जणांचा कर्दनकाळ ठरलेल्या नायलॉन मांजा वापराच्या पार्श्वभूमीवर नाशिक पोलिसांनी महत्त्वपूर्ण निर्णय घेतला आहे.

आता थेट पालकांवर गुन्हा

नायलॉनच्या मांज्यामुळे अनेकांना आपला जीव गमवावा लागत आहे. यामुळे मुलांकडे नायलॉनचा मांजा सापडल्यास मुलांच्या पालकांवर कारवाई केली जाणार आहे. पोलीस मुलांच्या पालकांवर गुन्हा दाखल करणार आहेत. यासंदर्भात नाशिक पोलिसांनी आदेश जारी केला आहे. राज्यात नायलॉन मांजावर बंदी असताना देखील सर्रासपणे नायलॉनच्या मांजाचा वापर सुरु आहे.

हेही वाचा> दिव्यांग पित्याचे मुलाला अभियंता बनविण्याचे डोळस स्वप्न; कॅलेन्डर विक्रीतून जमवताय पै पै, असाही संघर्ष

नाशिक पोलीसांचा आदेश

पतंगाचा मांजा अचानक त्यांच्या मानेला अडकल्याने भारती जाधव या तीव्र जखम झाल्या होत्या. यावेळी त्यांना तातडीने जिल्हा रुग्णालयात दाखल करण्यात आले मात्र, अतिरक्तस्त्राव आणि गळ्याची जखम मोठी असल्यानं उपचारादरम्यान त्यांचा मृत्यू झाला. यानंतर नायलॉनचा मांजा विक्री करणाऱ्यांवर गुन्हा दाखल करुन त्यांना शिक्षा देण्याची मागणी जोर धरु लागली.

हेही वाचा> गॅस गिझर भडक्यात बाथरूममध्ये तरुणाचा गुदमरून मृत्यू; नववर्षाच्या पहिल्याच दिवशी पाटील कुटुंबात आक्रोश