...काय सांगता बॅंकेत पैसेच नाही?...खातेदार झाले त्रस्त!

नाशिक : (कनाशी) येथील महाराष्ट्र बॅंकेत ग्राहकांना वेळेत पैसे मिळत नसून, 10 ते 40 हजार रुपये काढायचे असल्यास दुपारी दोन नंतर मिळतील, असे खातेदारांना सांगितले जात आहे. 200 ते 50 हजार रुपये काढण्यासाठी खातेदारांनी सकाळी दहापासून रांग लावली होती. 

केवळ तीनच कर्मचारी बॅंकेत

कनाशी परिसरातील 35 ग्रामपंचायती, शासकीय व खासगी शाळा, सरकारी कार्यालयांना सेवा देणारी तसेच सुमारे पाच लाख खातेधारक असणारी महाराष्ट्र बॅंक केवळ आठशे स्क्वेअरफूट जागेत आपला "व्यवहार' करीत आहे. त्यातच जयदर, दळवट, कनाशी, पाळे येथील जिल्हा बॅंकेच्या शाखा बंद झाल्याने त्यांच्या सर्व खातेदारांनी महाराष्ट्र बॅंकेत खाते उघडले आहे. केवळ तीनच कर्मचारी बॅंकेत आहेत. त्यातल्या त्यात सुरक्षारक्षक, शिपाई देखील नाही. 

जीर्ण जीना 

पहिल्या मजल्यावर छोट्याशा जागेत बॅंक असून, बॅंकेत जाण्यासाठी असलेला लोखंडी जीना जीर्ण झाला आहे. कधीही कोसळून दुर्घटना होण्याची शक्‍यता खातेदार व्यक्त करतात. गर्भवती, ज्येष्ठ नागरिकांना होणारा त्रास लक्षात घेता बॅंकेची जागा बदलावी, या मागणीचे निवेदन शाखा व्यवस्थापकांना शुक्रवारी (ता. 28) देण्यात आले. निवेदनावर 37 खातेदारांच्या सह्या आहेत. 

एटीएम नावालाच 

बॅंकेशेजारीच एटीएम असून, ते कायम बंद असते. उघडे असल्यास त्यात पैसेच नसतात. पैसे असल्यास तांत्रिक बिघाड ठरलेला असतो. यूपीएस सिस्टिम नसल्यामुळे बिघाड होतो, असे शाखा व्यवस्थापकांनी सांगितले. बॅंक बंद झाल्यास एटीएम बंद असते. 

हेही वाचा > लष्करी जवानाकडून जेव्हा पत्नीची हत्या होते तेव्हा...धक्कादायक घटना!

रिटेंशन मर्यादा 15 वरून 25 हजार व्हावी. थेट कनाशीपर्यंत पैसे पोचविण्याची व्यवस्था असावी. सिक्‍युरिटी, क्‍लार्क यांची अतिरिक्त भरती केल्यास आणि नवीन जागेत स्थलांतर झाल्यास बॅंकेचे व्यवहार सुरळीत होतील. - इंद्रदेव कुमार, शाखा व्यवस्थापक 

हेही वाचा >  ड्युटीवर असतांना पोलीसांनी कपाळावर गंध लावू नये..वरिष्ठ पोलीस अधिकाऱ्यांचे निर्देश

सकाळी दहापासून 13 हजार रुपये घेण्यासाठी बॅंकेत आलो असता, दुपारी दोननंतर या, असे मला सांगितले. - माणिक बागूल, खातेदार 

हेही वाचा > PHOTOS : माजी नगरसेवकाच्या घरावर अचानक गोळीबार.."बाहेर निकल, तेरा बहोत हो गया" असे म्हणत चोहोबाजूंनी फायरींग

मला दवाखान्यासाठी चाळीस हजार रुपयांची तत्काळ गरज असताना, पैसे मिळाले नाहीत. - एक त्रस्त महिला, खातेदार  

हेही वाचा > फेसबुक लाईव्हद्वारे रस्ता चकाचक?...'हा' तर मनसे'चा आऊट ऑफ बॉक्‍स फंडा!