नाशिक : देशातील विविध भागांतून निजामुद्दीन (दिल्ली)ला धार्मिक कार्यक्रमासाठी मरकजसाठी जमलेले तबलिकी नागरिक कोरोनाच्या संशयावरून शोध घेण्याचे काम अंतिम टप्प्यात आले आहे. बुधवारी (ता. 1) दुपारपर्यंत जिल्हा प्रशासनाला जिल्ह्यातील 32 जण ट्रॅक करण्यात यश आले.
अनेक तबलिकी बांधवांना कोरोनाची लागण
दिल्लीतील कार्यक्रमात सहभागी झालेल्या अनेक तबलिकी बांधवांना कोरोनाची लागण झाल्याचे पुढे आले आहे. त्यानंतर दिल्लीतील मरजकला सहभागी झालेल्यांचा देशात शोध सुरू झाला असून, यात नाशिक जिल्ह्यातून मोठ्या संख्येने नागरिक सहभागी झाले असल्याचे पुढे आले आहे. केंद्रीय यंत्रणेकडून माहिती मिळाल्यानंतर तातडीने सकाळपासून जिल्हा प्रशासनाने जिल्ह्यात मरकजला सहभागी झालेल्यांचा शोध सुरू केला. यात भीतीचे वातावरण निर्माण होऊ नये याची दक्षता घेत, प्रशासनाने बुधवारी दिवसभरात सहभागी झालेल्यांचा शोध घेत पहिल्यांदा त्यांना वैद्यकीय तपासणीसाठी ताब्यात घेतले. वैद्यकीय तपासणीचा अहवाल येईपर्यंत त्यांना क्वारंटाइन करण्यात येणार आहे.
शोध घेण्याचे प्रशासनापुढे आव्हान
तसेच त्यात कुणाला लागण झाल्याचे निष्पन्न झाल्याचे आढळल्यास थेट रुग्णालयात क्वारंटाइन केले जाणार आहे. दिल्लीतील सहभागी लोक आणखी कुणाकुणाच्या संपर्कात आले याचा शोध घेण्याचे प्रशासनापुढे आव्हान आहे. दरम्यान, मंगळवारी (ता. 31) व बुधवारी (ता. 1) पाठविलेल्या आणखी दोन जणांचे अहवाल प्राप्त झाले असून, ते दोन्ही अहवाल निगेटिव्ह असल्याचे प्रशासनाकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.