ऑनलाइन शिक्षणात शिक्षक-विद्यार्थ्यांना दिवाळीची सुटी; शालेय शिक्षण विभागाचे संकेत

इगतपुरी (नाशिक) : कोरोनाचा प्रादुर्भाव पाहता शाळा अजूनही बंद आहेत. तरीसुद्धा, शाळा बंद... शिक्षण सुरू अंतर्गत विद्यार्थ्यांना रोज ऑनलाइन शिक्षणाचे धडे शाळांकडून दिले जात असताना या ऑनलाइन शिक्षणात दिवाळीची सुटी मिळणार की नाही? असा प्रश्न उपस्थित होत होता, त्यावर राज्यातील सर्व विद्यार्थी, शिक्षकांना ऑनलाइन शिक्षणातून दिवाळीची सुटी मिळणार असल्याचे संकेत शालेय शिक्षण विभागाने दिले आहेत.

सहामाही परीक्षांचे नियोजन न करण्याच्या उपसंचालकांच्या सूचना ​

कोरोना संसर्गाच्या पार्श्‍वभूमीवर संपूर्ण देशभरात ऑनलाइन शिक्षण पद्धतीचा अवलंब करण्यात येत आहे. शालेय विद्यार्थी, शिक्षक व पालकही अव्याहतपणे अध्ययन व अध्यापन प्रक्रियेत गुंतले आहेत. १५ जूनपासून राज्यातील शिक्षण विभागाने शाळा बंद असल्या तरी शैक्षणिक वर्ष सुरू करून शिक्षण सुरू ठेवले आहे. दिवाळी काही दिवसांवर आली असताना विद्यार्थी व शिक्षकांना या वर्षी दिवाळीची सुटी देण्यात यावी, अशी मागणी विद्यार्थी, पालक व शिक्षकांच्या विविध संघटनांनी केली होती. 

हेही वाचा > धक्कादायक! रक्षकच जेव्हा भक्षक बनतो तेव्हा; पोलिस पतीसह पाच जणांकडून पत्नीचा छळ

दिवाळीत परीक्षांना निर्बंध 
कोणत्याही प्रकारच्या शाळेतील विद्यार्थ्यांसाठी दिवाळीच्या काळात कोणत्याही प्रकारच्या परीक्षांचे नियोजन करू नये, अशा सूचनांचे परिपत्रक नाशिक विभागाचे शिक्षण उपसंचालक नितीन उपासनी यांनी ३ नोव्हेंबरला काढले आहे. तसेच कोणत्याही प्रकारची सक्ती शिक्षक वा विद्यार्थ्यांना करू नये तसेच शिक्षकांचे वेतन रोखू नये, अशा सूचना शिक्षण विभागाकडून देण्यात आल्या आहेत. विद्यार्थ्यांच्या सर्वांगीण विकासासाठी आधुनिक तंत्रज्ञानाचा वापर करून विद्यार्थ्यांची शैक्षणिक रुची वाढावी, यासाठी शिक्षण विभाग प्रयत्न करत असल्याचे सर्वत्र दिसून येत असल्यामुळे विद्यार्थी, शिक्षक व पालकांना सर्व प्रकारचे नियम पाळून सुटीचा आनंद द्विगुणित करता यावा, यासाठी हा निर्णय घेण्यात येत असल्याचे त्यांनी म्हटले आहे.  

हेही वाचा >  ह्रदयद्रावक! अखेरच्या क्षणीही मैत्रीचा घट्ट हात कायम; जीवलग मित्रांच्या एकत्रच निघाल्या अंत्ययात्रा