रस्त्यावर थुंकाल तर करावी लागेल सार्वजनिक सेवा !

नाशिक : कोरोनामुळे सार्वजनिक स्वच्छतेचे महत्व वाढल्याने महापालिकेने सार्वजनिक ठिकाणी व मुख्यत्वे रस्त्यावर थुंकणाऱ्यां विरोधात दंडात्मक कारवाईला सुरुवात केली आहे. आता त्याचबरोबर सार्वजनिके सेवेची देखील शिक्षा केली जात असून गेल्या आठ महिन्यात ६७ जणांकडून प्रत्येकी एक हजार रुपये दंड वसुलीसह रस्त्यांची सफाई करणे व मास्क परिधान करण्यासाठी प्रबोधन करण्यात आले आहे. 

रस्त्यावर थुंकणाऱ्या ६७ जणांकडून सार्वजनिक सेवा 
सार्वजनिक ठिकाणी थुंकणे हा गुन्हा असला तरी या नियमाचे पालन फारसे कोणी करतं नव्हते परंतू कोरोनामुळे सार्वजनिक स्वच्छतेला देखील महत्व प्राप्त झाल्याने मुंबई महापालिकेने दंडात्मक कारवाई अधिक गतीमान करताना एका पेक्षा अधिकवेळा सार्वजनिक ठिकाणी थुंकताना आढळल्यास त्या व्यक्तीकडून सार्वजनिक ठिकाणची सेवा करून घेण्याची कारवाई सुरु केली आहे. त्याच धर्तीवर नाशिक महापालिका हद्दी मध्ये देखील महापालिकेने कारवाई सुरु करताना दंडात्मक कारवाई बरोबरचं सार्वजनिक स्वच्छतेची शिक्षा सुरु केली आहे.

हेही वाचा - वडिलांसोबतची लेकीची 'ती' ड्राईव्ह शेवटचीच; पित्याचा ह्रदय पिळवटून टाकणारा आक्रोश

एक ते तीन दिवस सार्वजनिक सेवा

एकदा रस्त्यावर थुंकताना आढळल्यास पाचशे ते एक हजार रुपये दंड व एक दिवस रस्त्यावरची सफाई करण्याची व मास्क परिधान करण्याची शिक्षा दिली जात आहे. आतापर्यंत ६७ जणांवर कारवाई करताना ६२,८०० रुपये दंड वसुल करण्यात आला आहे. सार्वजनिक रस्त्यावर थुंकल्यास दंडात्मक कारवाई तर केली जातेचं त्याशिवाय एक ते तीन दिवस सार्वजनिक सेवा करण्याची शिक्षा सुरु केल्याने त्याचा परिणाम दिसून येत असल्याचा दावा महापालिकेच्या आरोग्य अधिकारी डॉ. कल्पना कुटे यांनी केला आहे. 

हेही वाचा - जेव्हा पोटच्या गोळ्यांसह मातेचे मृतदेह दिसले पाण्यावर तरंगताना; शेतकऱ्यांना भरला थरकाप

अशी आहे शिक्षा 
पहिला गुन्हा - १ हजार रुपये दंड व एक दिवस सार्वजनिक सेवा 
दुसरा गुन्हा - ३ हजार रुपये दंड व तीन दिवस सार्वजनिक सेवा 
तिसरा गुन्हा - ५ हजार रुपये दंड व पाच दिवस सार्वजनिक सेवा