संचारबंदीतही 'ते' 'मालेगाव टू सिडको'?...अन् नातेवाईकांनीही दिला आसरा...कारवाई तर होणारच!

malegaon to cidco supected.png
malegaon to cidco supected.png

नाशिक : (सिडको) पवननगर, लोकमान्यनगर येथे मालेगाव येथून होम क्वारंटाइन असलेले तीन कोरोना संशयित पळून आले. त्यांना येथील नागरिकांनी आसरा दिल्याने प्रशासनाकडून याबाबत करवाई करण्यात आली आहे. संचारबंदी असतांना देखील हे तीन संशयित मालेगाववरुन सिडकोत आलेच कसे? हा प्रश्न उभा राहिला आहे.

नागरिकांमध्ये भीतीचे वातावरण

मालेगाव येथून तीन कोरोना संशयित होम क्वारंटाइन रुग्ण पवननगर, लोकमान्यनगर येथील काळे चाळ येथे पळून आले. गेल्या सहा ते सात दिवसांपासून ते येथील एका नातेवाईकाकडे आसऱ्याला होते. या संशयितांना घर न सोडण्याचे आदेश असतानाही यांनी नाशिक गाठले. जिल्हा शासकीय रुग्णालयातूनही त्यांनी पळ काढल्याचे समजते. याबाबत येथील नगरसेवक मुकेश शहाणे यांच्याकडे नागरिकांनी तक्रार केली असता, त्यांनी तत्काळ पोलिस व आरोग्य विभागाला कळविले. त्यांनी घटनास्थळी दाखल होत संशयितांना ताब्यात घेतले. याच काळे चाळीत अनेक कुटुंबीय राहात असून, कोरोना संशयितांमुळे या सर्व नागरिकांमध्ये भीतीचे वातावरण पसरले आहे. या संशयितांच्या नातेवाईकांनी नगरसेवक शहाणे यांना कारवाई करीत असल्याने शिवीगाळ केली. 

मालेगाववरून नाशिकला आलेच कसे?

कोरोनाच्या पार्श्‍वभूमीवर गाव, तालुका, जिल्हा व संचारबंदी असताना हे संशयित मालेगाववरून नाशिकला आलेच कसे? याबाबत आता प्रश्‍नचिन्ह निर्माण झाले आहे. शिवाय सिडकोतील काळे चाळीत भाडेकरू राहात असून, घरमालकाच्या बेजबाबदारपणामुळे त्यांना आसरा मिळाला. या संशयितांना आता किती लोकांसोबत संपर्क आला याबाबतही चर्चा सुरू झाली आहे. या सर्व प्रकारावर प्रशासनाने कडक कारवाई करावी, अशी मागणी होत आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com