विम्यासाठी शेतकरी आंदोलनाच्या पावित्र्यात; ऐन दिवाळीत धरणे धरण्याचा इशारा 

मंगेश शिंदे
Friday, 13 November 2020

ऑक्टोबरमधील अवकाळी पावसाने २० ते २५ तारखेदरम्यान इगतपुरी, त्र्यंबकेश्वर तालुक्यांत भातशेतीसह खरीप पिकांचे मोठे नुकसान झाले. नुकसानीची विमा कंपन्या दखल घेत नसल्याने ऐन दिवाळीत इगतपुरी तालुक्यातील शेतकरी आंदोलनाच्या पावित्र्यात आहेत.

काळुस्ते (जि.नाशिक) : ऑक्टोबरमधील अवकाळी पावसाने २० ते २५ तारखेदरम्यान इगतपुरी, त्र्यंबकेश्वर तालुक्यांत भातशेतीसह खरीप पिकांचे मोठे नुकसान झाले. नुकसानीची विमा कंपन्या दखल घेत नसल्याने ऐन दिवाळीत इगतपुरी तालुक्यातील शेतकरी आंदोलनाच्या पावित्र्यात आहेत. विमा कंपन्यांविरोधात शेतकरी महामार्गावर धरणे आंदोलन करतील, असा इशारा बाजार समितीचे माजी संचालक पांडुरंग शिंदे यांनी दिला.

शेतकऱ्यांपुढे अडचणी निर्माण

ऑक्टोबरअखेर ज्या नुकसानग्रस्त शेतकऱ्यांनी विमा कंपनीकडे नुकसानभरपाईबाबत दावा केला असेल, त्यांना पात्र ठरवून विमा कंपनीकडून नुकसानभरपाई मिळावी, अशी मागणी शिंदे यांनी जिल्हाधिकारी, तहसीलदार व जिल्हा कृषी अधिकाऱ्यांसह विमा कंपनी प्रशासनाकडे केली आहे. त्यात, भारतीय जनरल विमा कंपनीची यंत्रणाही विस्कळित होऊन टोल फ्री क्रमांकावर संपर्क करूनही दूरध्वनी लागत नव्हते. मोबाईल टॉवरही बंद पडल्याने नुकसानग्रस्त शेतकऱ्यांपुढे अडचणी निर्माण झाल्या. विमा कंपनीकडून जनजागृतीही झाली नाही. त्यामुळे या दोन्ही तालुक्यांतील पीकविमाधारक असंख्य शेतकरी आंदोलन करणार असल्याचे म्हटले आहे.  

हेही वाचा > मामा होता म्हणून भाची सहीसलामत! अक्षरश: मृत्यूच्या दाढेतून खेचून आणले भाचीला

हेही वाचा > मित्राला सोडायला गेलेल्या दोघांचा दुर्दैवी अंत; ऐन दिवाळीत कुटुंबांवर दु:खाचा डोंगर


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Farmers will agitate for insurance nashik marathi news