BREAKING : मालेगावात एकाच दिवसात १४ कोरोना पॉझिटिव्ह.. शहरातील वाढता मृत्यूदर चिंताजनक!

नाशिक/ मालेगाव : उत्तर महाराष्ट्रातील कोरोना हॉटस्पॉट मालेगावमध्ये बाधितांचे शतक झाले आहे. गुरुवारी संध्याकाळी ९ व सकाळी ५ जणांचे असे एकूण १४ रुग्णांचे अहवाल पॉझिटिव्ह आले. त्यामुळे शहरातून कोविड-१९ चा संसर्ग झालेल्या व्यक्तीची संख्या ११० झाली. राज्यात मुंबई, पुणे, नागपूर व मालेगाव कोरोनाचे हाँटस्पाँट झाले आहे. मालेगावी कोरोनाबाधित रूग्णांनी शंभरी गाठली आहे. दहा जणांचा कोरोनाने मृत्यू झाला आहे.

संध्याकाळी आणखी ९ जणांचा अहवाल पॉझिटिव्ह

मालेगावकरांच्या दृष्टीने बुधवार तसा काहीसा दिलासादायक होता.. तर एका बाधितासह चौघांचा मृत्यू झाला होता. परंतु, गुरुवारी सकाळी ४७ वर्षीय दोन, ३७, ७० व ४४ वर्षीय अशा पाच संशयितांना कोरोनाची बाधा झाल्याचे निष्पन्न झाले. हे पाचही हाय रिस्क संपर्कातील व वेळीच क्वारंटाइन केलेले होते. तर संध्याकाळी आणखी ९ जणांचा अहवाल पॉझिटिव्ह आला आहे. दुसरीकडे मृतांची आकडेवारी ही दशकस्थानी पोहोचली आहे. शहरात ८ एप्रिलला पहिले पाच रुग्ण आढळले होते. हा आलेख शंभरीपर्यंत उंचावण्यास फक्त १५ दिवस लागले. यावरून शहरात कोरोना विषाणूंचा प्रादुर्भाव किती झपाट्याने वाढत असल्याचे स्पष्ट होते.

हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन्‌ नैराश्‍य ​

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?