धक्कादायक! आता क्वारंटाईन ओळखणंही अवघडच झालंय राव...कारण..

नाशिक : कोरोनाच्या या संकट समयी तुम्हांला अचानक भयानक काय ऐकायला मिळेल याचा काय नेम नाही? हा विनोद वाटला तरी गंभीर प्रश्न म्हणून तुम्हाला त्याकडे नाईलाजाने बघावं लागेल एवढं मात्र खरं ! तुम्ही विचारही करू शकत नाही असंच काहीसं घडलंय आणि ते म्हणजे रुग्णाला होम क्वारंटाईन करण्यासाठी हातावर मारण्यात येणाऱ्या शिक्क्याची म्हणे शाईच संपली आहे...नेमका काय प्रकार? 

तोंडीच सूचना करण्याचा प्रकार 

सिडकोसह नाशिक शहरात मोठ्या प्रमाणात कोरोनाबाधित रुग्णांची संख्या दिवसेंदिवस वाढत आहे. तर त्यांच्या सानिध्यात असणाऱ्यांची संख्या पाच ते दहा पटीने दिसून येत आहे. यामुळे या सर्व संशयितांना होम क्वारनटाईन करण्यात येते. तत्पूर्वी त्यांच्या हातावर होम क्वारंटाईनचा शिक्काही मारण्यात येतो. या शिक्यासाठी विशिष्ट प्रकारची शाही वापरली जाते. मात्र आता सिडको विभागातील वैद्यकीय अधिकाऱ्यांकडील नेमकी तिच शाई संपली आहे. त्यामुळे होम क्वारंटाईन करण्याचे प्रकार तोंडी सांगून केले जात आहेत. 

स्वत:ची काळजी आवश्‍यक 

संशयित रुग्ण बिनधास्तपणे फिरत असतील तर त्यांना ओळखणे कठीण आहे. त्यामुळे कोरोनाशी लढण्यासाठी लागणाऱ्या सर्वप्रकारच्या साधन सामुग्रीप्रमाणे प्रशासनाने शिक्क्यांसाठी लागणारी शाईसुद्धा लवकरात लवकर उपलब्ध करून देण्याची मागणी सर्वसामान्य नाशिककरांकडून होऊ लागली आहे. तोपर्यंत आपण आपली स्वतःची काळजी घेणे आवश्यक आहे असे म्हटल्यास वावगे ठरणार नाही. एखादी व्यक्ती कोरोनाबाधित व्यक्तीच्या सानिध्यात किंवा बाहेर गावावरून आली तर त्यास 14 दिवस होम क्वारंटाईन करण्यात येते. त्याकरता त्याच्या हातावर होम क्वारंटाईनचा शिक्का मारण्यात येतो. त्याकरिता विशिष्ट प्रकारची शाई वापरली जाते. या शाईचे वैशिष्ट्य म्हणजे पुढील 14 दिवस शाई पुसली जात नाही.

हेही वाचा > अखेर जिल्ह्यात 'हा' पर्याय वापरुन भातांच्या रोपांची लागवड...वाचा सविस्तर बातमी

पोलीसांत गुन्हे दाखलची शक्यता 

सदर व्यक्ती बाहेर बिनधास्तपणे फिरत नाही. आणि फिरत असेल तर अशावेळी त्याच्या हातावरचा हा शिक्का आपणांस तो होम क्वारंटाईन असल्याचे निदर्शनास आणून देतो. त्यामुळे अशा व्यक्तीवर पोलीस गुन्हा देखील दाखल करू शकतात. थोडक्यात काय तर हा शिक्का म्हणजे संबंधित व्यक्तीने इतर व्यक्तींशी भेटीगाठी घेऊ नये. जेणेकरून तकोरोनाचा संसर्ग रोखण्यास मदत होणार आहे. 

हेही वाचा > धक्कादायक! खासगी रुग्णालयांकडून कोविड उपचारात अनियमितता... कारवाईची शक्यता