औष्णिक वीज केंद्रात चिमणी पेटण्याची आशा; वीज मागणी २० हजार मेगावॉटवर

नीलेश छाजेड
Friday, 9 October 2020

टप्प्याटप्प्याने उद्योगधंदे पूर्ववत सुरू होऊ लागल्याने विजेच्या मागणीत वाढ होऊन कोराडी, भुसावळ व आता परळी येथून वीजनिर्मिती सुरू झाली आहे. सध्या राज्यातील महानिर्मितीचे ३० पैकी २० संच सुरू आहेत.

नाशिक : (एकलहरे) राज्यात अनलॉकमुळे बंद औद्योगिक वसाहती सुरू झाल्याने राज्याची मागणी २० हजार मेगावॉटवर गेल्याने नाशिक येथील किमान एक संच तरी सुरू होईल, अशी आशा निर्माण झाली आहे. 

राज्यातील महानिर्मितीचे ३० पैकी २० संच सुरू

गेल्या मार्चपासून नाशिक औष्णिक वीज केंद्राची निर्मिती शून्यावर आहे. लॉकडाउनमुळे राज्याची विजेची मागणी अवघ्या १३ हजारांवर आली होती. त्यामुळे नाशिक, भुसावळ, कोराडी व परळी येथील वीजनिर्मिती संच बंद होते. टप्प्याटप्प्याने उद्योगधंदे पूर्ववत सुरू होऊ लागल्याने विजेच्या मागणीत वाढ होऊन कोराडी, भुसावळ व आता परळी येथून वीजनिर्मिती सुरू झाली आहे. सध्या राज्यातील महानिर्मितीचे ३० पैकी २० संच सुरू आहेत. त्यात औष्णिक केंद्रांची वीजनिर्मिती पाच हजार ६१८ मेगावॉट होती. 

तर नाशिकमधून वीजनिर्मिती सुरू होईल

येत्या काळात मागणी आणखी वाढल्यास औष्णिक वीज केंद्रातूनही वीजनिर्मिती सुरू होईल, अशी कामगारांना आशा आहे. कोराडी येथील ६६० मेगावॉटचे तीन, खापरखेडाचे सर्व पाच, पारस- दोन, परळी- तीन, चंद्रपूर- पाच व भुसावळ- दोन संचांमधून वीजनिर्मिती सुरू आहे. सणासुदीत आणखी हजार ते दोन हजार मेगावॉटने मागणी वाढल्यास नाशिकमधून वीजनिर्मिती सुरू होईल. 

हेही वाचा > विनानोंदणी ऑक्सिजन पुरवठ्यातून नाशिकच्या सात कंपन्याचे पितळ उघड; कंपन्यांवर नियंत्रण कुणाचे? 

आजची राज्याची मागणी - २०४१३ मेगावॉट 
राज्याची वीजनिर्मिती - १३५८० मेगावॉट 

केंद्र क्षमता निर्मिती (मेगावॉट) 
नाशिक ६६० ००० 
कोराडी २४०० ८२६ 
खापरखेडा १३४० १०२६ 
पारस ५०० ३६५ 
परळी ११७६ ४९६ 
चंद्रपूर २९२० १७५५ 
भुसावळ १२१० ८७६ 

हेही वाचा >  कैद्याची मास्कच्या नाडीने गळफास लावून आत्महत्या; नाशिक मध्यवर्ती कारागृहातील घटना


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Hope to start closed thermal power plant nashik marathi news