क्षणार्धात संसाराची राखरांगोळी! चव्हाण कुटुंबियांचे ५० हजारांचे नुकसान 

kumbharwada fire 1.png
kumbharwada fire 1.png

नाशिक : कुंभारवाडा परिसरातील शितळादेवी मंदिर परिसरातील सुरेश चव्हाण यांचे कुटुंब राहत होते. दुपारच्या वेळी अशी घटना घडली. ज्यामुळे काही क्षणातच संसाराची अक्षरश: राखरांगोळी झाली. कुटुंबाचे ५० हजारांचे नुकसान झाले. काय घडले वाचा..

घराला आग; ५० हजारांचे नुकसान 

कुंभारवाडा परिसरातील शितळादेवी मंदिर परिसरातील सुरेश चव्हाण यांच्या घरातील फ्रीजने गुरुवारी (ता. २२) दुपारी अडीचच्या सुमारास अचानक पेट घेतला. बघता बघता आग वाढत गेल्याने चव्हाण कुटुंबीयांनी घराच्या बाहेर पळ काढला. सारडा सर्कल अग्निशमन विभाग मुख्यालयातील बंब व पंचवटी अग्निशमन विभागाचा बंबही पाचारण करण्यात आला.

तर अनर्थ घडला असता. 

फायरमन इक्बाल शेख यांच्या मार्गदर्शनाखाली वाहनचालक एम. डी. कदम, व्ही. पी. शिंदे, टी. एन. भास्कर, ए. एस. गांगुर्डे, तौसिफ शेख, डी. पी. दराडे यांनी दारातून पाण्याचा मारा केला. तासाभराच्या प्रयत्नानंतर आगीवर नियंत्रण मिळविण्यात आले. आगीत फ्रीज, टीव्ही, अन्य साहित्य, संसारोपयोगी साहित्य असे सुमारे ४० ते ५० हजारांचे नुकसान झाले. आगीवर पाण्याचा मारा करत असताना अचानक विद्युतप्रवाह असलेली तार खाली पडली. सुदैवाने कर्मचारी मागे सरकल्याने तार जमिनीवर पडली. कर्मचारी मागे सरकले नसते तर अनर्थ घडला असता. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com