पंचवटी (नाशिक) : केवळ नाशिकच्या पंचवटीतच नव्हे तर आजवर शहरात जेल रोड, दसक- पंचक, लोखंडे मळ्यापासून नाशिक रोड, सिडको, सातपूरसह सगळ्या विभागात हेच चित्र आहे. घरं गेली खाली आणि रस्ते मात्र उंबरठ्याच्या वर, असे चित्र आहे. विशेष पालिका काळातील ज्या घरांना परवानग्या मिळाल्या अशा जुन्या घरांचे उंबरठे रस्त्याच्या खाली गेली आहेत.
अजबच! घरं खाली आणि रस्ते मात्र वर
गंगाघाटाच्या पंचवटीच्या बाजूकडील गटारीची कामे सद्या स्मार्टसिटीअंतर्गत सुरू आहेत. सद्या रामकुंडापासून सरदार चौकापर्यंतच्या परिसरात हे काम सुरू आहे. याठिकाणी आजवर पाच ते सहावेळा रस्त्याचे काँक्रिटीकरण करण्यात आले. मात्र प्रत्येकवेळी आधीच्या रस्त्याचे मटेरियल न काढताच त्यावरच नवीन रस्त्याचे काम करण्यात आल्याचे दिसून येते. येथे रस्त्याच्या कामाचे तब्बल पाच थर आढळून येतात. त्यामुळे घरे खाली तर रस्ते वर, अशी येथील परिस्थिती झाली आहे. रस्त्याचे नवीन काम करताना आधीचे मटेरियल काढून टाकणे आवश्‍यक आहे; परंतु हे डेब्रिज काढून टाकणे खर्चिक काम असून, काढलेले डेब्रिज अन्य ठिकाणी नेऊन टाकणेही खर्चिक आहे. त्यामुळे काँक्रिटीकरण करताना किमान आधीचे मटेरियल काढून टाकणे टाळले जाते. मात्र त्याचा मनस्ताप परिसरातील घरांसह व्यावसायिक आस्थापनांना बसत असल्याचे चित्र आहे.
गावठाणात सर्वत्र हीच स्थिती
केवळ पंचवटीत नव्हे तर आजवर शहरात जेल रोड, दसक- पंचक, लोखंडे मळ्यापासून नाशिक रोड, सिडको, सातपूरसह सगळ्या विभागात हेच चित्र आहे. विशेष पालिका काळातील ज्या घरांना परवानग्या मिळाल्या अशा जुन्या घरांचे उंबरठे रस्त्याच्या खाली गेली आहेत. १९९२ पासून २०२० पर्यंत दरवेळी थरांवर थर चढत गेले त्यामुळे घरांची लेव्हल खाली तर रस्ते वर, अशी स्थिती झाली. दर वर्षी पावसाळ्यात सराफ बाजारात दुकाने व घरांमध्ये जे पाणी शिरते त्याठिकाणी हेच कारण दिसून येते.
यामुळे पावसाचे पाणी थेट घरात घुसायला लागले
महापालिकेतर्फे रस्तेकामावर कोट्यवधी रुपये खर्ची पडतात. पण नवीन रस्ता करण्यापूर्वी जुन्या रस्त्याचे थर काढण्याचे कष्ट घेतले जात नाही. परिणामी, थरावर थर वाढल्याने गावठाण भागात घरं गेली खाली आणि रस्ते मात्र उंबरठ्याच्या वर, असे चित्र आहे. डांबरीकरणाच्या थरांवर थरामुळे पावसाचे पाणी थेट घरात घुसायला लागले आहे. गावठाण भागात हेच चित्र आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.