शिवीगाळ करताना हटकले म्हणून राग झाला अनावर...अन् केला धक्कादायक प्रकार

नाशिक : (वीरसावरकरनगर) सकाळी तो अंडी घेण्यासाठी बाहेर पडला अन् बघतो तर काय...एका दुकानाजवळ गर्दी अन् सोबतच भांडणाचा आवाज आला. पुढे जाऊन बघतो तर वेगळाच प्रकार सुरु होता. समज द्यायला म्हणून पुढे गेला तर त्यालाच...हा धक्कादायक प्रकार घडला गडाखचाळ वीरसावरकरनगर भागात सविस्तर प्रकार असा की...

असा आहे प्रकार

याप्रकरणी गणेश नंदकिशोर शहाणे (२४ रा.गडाखचाळ, वीरसावरकरनगर) या युवकाने तक्रार दाखल केली आहे. दुकानदारास शिवीगाळ करतांना हटकल्याने संतप्त टोळक्याने एकास बेदम मारहाण केल्याची घटना रविवारी (दि.१७) वीर सावरकरनगर भागात घडली. या घटनेत टोळक्याने तरूणाच्या डोक्यात बिअरची बाटली फोडल्याने तो जखमी झाला आहे.
 शहाणे रविवारी अंडी घेण्यासाठी घराबाहेर पडले असता ही घटना घडली. सावरकरनगर येथील अरूण इंटरप्रायझेस शेजारून जात असतांना केक शॉपमध्ये संशयित मालकास मोठमोठ्याने शिवीगाळ करीत होते. यावेळी शहाणे यांनी येथे शिवीगाळ करू नका असे हटकल्याने ही हाणामारी झाली. यावेळी संतप्त टोळक्याने आमच्या नादी लागू नकोस असे म्हणत थेट शहाणे याच्यावर हल्ला चढविला. यावेळी शिवीगाळ करीत त्यास लाथाबुक्यांनी बेदम मारहाण केली. तर एका संशयिताने त्याच्या डोक्यात बिअरची बाटली फोडली. 

हेही वाचा > चोवीस तास बंदोबस्त असूनही 'त्याने' मारली शाळेतून दांडी?...धक्कादायक प्रकार

देविदास तोरणे उर्फ दादू उर्फ घोड्या,वैभव पाटेकर व त्यांचा एक साथीदार अशी मारहाण करणार्‍या संशयीतांची नावे आहेत. या घटनेत शहाणे जखमी झाला असून याप्रकरणी उपनगर पोलीस ठाण्यात मारहाण दुखापतीचा गुन्हा दाखल करण्यात आला आहे. अधिक तपास हवालदार मुसळे करीत आहेत.

हेही वाचा > धक्कादायक! राजकीय संबंधाचा घेतला गैरफायदा...महिलेवर केला अत्याचार