खवय्यांनो.. मटण, माशांचे दर कडाडले..? जाणून घ्या कारण

नाशिक/ पिंपळगांव बसवंत : धार्मिक सणांमुळे अनेक जण हे मासांहार करणे वर्ज्य करत असतात. त्यामुळे हे धार्मिण सण, उत्सव सुरू होण्यापूर्वीच मांसाहार करणारे अनेक जण हे मटण, मासे, चिकन, बोंबील आदींवर मिळेल तसा ताव मारून मन तृप्त करून घेत असतो. आता अशीच परिस्थिती सुरू असून लवकरच ही परिस्थिती बदलली जाणार आहे.

खवय्यांकडून मांसाहारला अधिक पसंती

पुढील महिन्यापासून सुरू होत असलेला श्रावण महिना, गणेशोत्सव आदी धार्मिक सण, उत्सव सुरू होणार असल्याने खव्यांकडून मांसाहारला अधिक पसंती दिली जावू लागल्याने बाजारात मटण, माशांसह चिकणचे दर कडाडले आहे. पिंपळगांव बसवंत व ओझर शहरातील मटण, चिकन, मासे विक्रीच्या बाजारात गर्दी वाढत आहे. यामुळे मासांहारात 25 टक्‍क्‍यानी वाढ झाल्याचे विक्रेते सांगत आहे. कोरोनात अफवाच्या बाजारात मातीमोल भाव मिळालेल्या चिकनला देखील चांगला भाव आला आहे.

हेही वाचा > ज्या मालेगावला भाजपच्या खासदारांनी नावे ठेवली.. फडणवीसांनी मात्र केले कौतुक..!

दरात कमालीची वाढ
पुढील महिन्यात श्रावण व त्यानंतर गणेशोत्सवाच्या आगमानाची चाहुल सुरू झाल्याने खव्यांकडून आता आठवड्यातून तीन ते चार दिवस मासांहारावर ताव मारला जात आहे. वाढत्या मागणीमुळे पिंपळगांव व ओझरच्या मासांहार विक्रीच्या बाजाराला सध्या जत्रेचे स्वरूप आले आहे. मागणी वाढल्याने मासांहाराच्या दरात कमालीची वाढ झाली आहे. दर भडकले असले तरी खैवय्याचा उत्साह जराही कमी झालेला नाही. मटनाचे दर 600 ते 650 रूपये प्रतीकिलो पर्यत पोहचले असून चिकनचे दरही 200 ते 250 रूपये प्रतिकीलो पर्यत वधारले आहे.

हेही वाचा >  "जगावं की मरावं'..दिव्यांग आजीबाईला आले चक्क सोळा हजारांचे वीजबिल..!

श्रावण महिना सुरू होईपर्यंत ग्राहकांची गर्दी कायम
माशांच्या बाजारात तेजीची लाट आली आहे. पापलेट, सुरमई, हलवा, कोळंबी, वाम, बांगडा, मांदेली या प्रकारातील मासे विक्रीला असून त्यांचे दर प्रतिकिलो 200 ते 900 रूपये पर्यंत पोहचले आहे. मांसविक्रीच्या बाजाराला श्रावण महिना सुरू होई पर्यत ग्राहकांची गर्दी कायम राहणार आहे.दरम्यान, सोशल डिस्टसिंगच्या कारणामुळे पिंपळगाव शहरातील मटण व चिकन मार्केट बंद असल्याने विक्रेत्यांनी शहराच्या बाहेर व्यवसाय थाटला आहे. व्यवसायाकरीता हीच वेळ असल्याने मटण मार्केट सुरू करावे अशी मागणी विक्रेता संघटनेने ग्रामपंचायत प्रशासनाकडे केली आहे.

श्रावण महिना आणि त्यानंतर सुरू होत असलेले सण उत्सवांमुळे अचानक मासांहाराला मागणी वाढल्याने सर्वांचे दर वाढले आहेत. यातच बोकड व माशांचा पुरवठाही कमी होत आहे. - मनोज गांगुर्डे (मत्स्य विक्रेते.)