नशिबी दुर्देवच! नवऱ्यासोबत भांडणामुळे बहिणीकडे आली...तिथेच समजली खळबळजनक बातमी

नाशिक : (त्र्यंबकेश्वर) तालुक्यातील अंबोली ग्रामपंचायत हद्दीतील बोंबीलटेक या वस्तीवर सिन्नर तालुक्यातील चिंचोली येथील महिला नवऱ्यासोबत भांडण झाल्याने मावस बहिणीकडे आली होती. काही दिवस तिथे थांबली अन् तेवढ्यात समजली खळबळजनक बातमी घरातील सगळ्यांना घामच फुटला अन् मग...

आठ जणांचे रिपोर्ट पॉझिटिव्ह

शुक्रवारी (ता. 9) तारखेला अंबोली येथे बोंबीलटेकवाडी या वस्तीत सदर महिला मावस बहिणीकडे आली असता या महिलेच्या पतीचा रिपोर्ट कोरोना पॉझिटिव्ह आल्याचे समजले. सदर माहीती अंबोली येथील पोलीस पाटील ज्ञानेश्वर मेढे, सरपंच चंद्रभागा लचके यांनी प्राथमिक आरोग्य केंद्र अंबोली येथे कळवले असता तत्काळ येथील आरोग्य सेवक डॉ. घोरसडे, डॉ. भोई व त्यांची टीम जागेवर येऊन प्राथमिक चौकशी करण्यात येऊन सदर महिलेला ब्रम्हा व्हँली येथे हलवण्यात आले असून संपर्कात आलेल्या दहा लोकांचे स्वॅब घेऊन चौकशीसाठी नाशिक पाठवण्यात आलेले होते. यांपैकी आठ जणांचे रिपोर्ट पॉझिटिव्ह आले आहे असे येथील प्राथमिक आरोग्य केंद्राचे डॉ. मोरे यांनी सांगितले. सध्या त्यांना स्वामी समर्थ गुरुपिठ येथे क्वारंटाइन करण्यात आलेले आहे.

हेही वाचा > आयुक्तांची रात्री उशिरा रुग्णालयात एंट्री...चौकशीत मोठा खुलासा...नेमके काय घडले?

परिसरात राहत असलेल्या नागरिकांना कडक सूचना देण्यात आल्या आहेत. ग्रामपंचायतच्या वतीने बोंबीलटेक येथे औषध फवारणी करण्यात आली. स्वत:च्या आरोग्याची काळजी कशी घ्यावी याबद्दल माहीती देण्यात आली व योग्य उपाययोजना करण्यास सांगण्यात आले. तालुका प्रशासनाने येथील वाडी 300 मिटर परिसर प्रतिबंधित करण्यात आले. गावात नागरिकांना फिरण्यास सक्त बंदी करण्यात आली. कुणीही रिकामी जमाव करु नये याबद्दल सूचना देण्यात आल्या आहेत.

हेही वाचा > हायटेक सल्ला पडला महागात; दोन एकरांतील ऊस जळून खाक...नेमके काय घडले?