पोलिसांना बघताच पिकअप चालकाला फुटला घाम; झडती घेताच प्रकार उघड

पेठ (नाशिक) : अंधाराचा फायदा घेत त्यांचे सुरु होते काम. संशयास्पद वाहन दिसताच गस्ती पथकाने थांबविण्याचा प्रयत्न केला असता त्यांनी ठोकली धूम. मात्र पाठलाग करत वाहन ताब्यात घेताच झाला खुलासा. वाचा काय घडले नेमके?

अशी आहे घटना

आंबे वनपरिक्षेत्रात शुक्रवारी (ता.३०) वनविकास महामंडळाच्या रात्रीच्या जंगल गस्ती पथकास आंबे गावापासून काही अंतरावर मदळपाडा रस्त्यावरुन पिकअप वाहन (एम एच १६. ए ई २१२८) संशयितरित्या जाताना गस्ती पथकाने थांबविण्याचा प्रयत्न केला असता वाहन जोरात पळविले. यामुळे पिकअपचा पाठलाग करत गस्ती पथकाने पकडले. मात्र अंधाराचा फायदा घेत गाडीसोबतचे सात ते आठ चोर वाहन सोडून पसार झाले. त्यातील गाडीमालक अंकेश किसन भुसारे, (रा. भेनशेत (सागपाडा) ता. सुरगाणा) यास पकडण्यात पथकाला यश आले. त्यास ५ दिवसांची कस्टडी मिळाली आहे. वाहनात खैर लाकडाचे मोठे दहा नग सुमारे एक घनमीटर माल मिळुन आला. शासकीय बाजार मूल्यानुसार पन्नास हजार रुपये किंमतीचा माल असून पाच लाख रुपये किमतीचे पिकअप वाहन पथकाने ताब्यात घेतले आहे. 

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

सदरचा खैर जंगल मार्गाने काथ बनविण्यासाठी गुजरात राज्यात नेला जात असल्याचे अंकेश भूसारे याने सांगितले. कारवाईत विभागीय व्यवस्थापक यु सी ढगे, सहाय्यक व्यवस्थापक पी आर ठोंबळ, आंबे वनपरिक्षेत्र अधिकारी प्रभारी एस. बी.राऊत, वनरक्षक एम जी वाघ, सी के चौरे, नितीन पवार, हेमंत भोये, पोलिस कॉ. गवळी, वन परिक्षेत्र अधिकारी आंबा आर एच राऊत, फिरती पथकाचे वनपरिक्षेत्राधिकारी पी आर जाधव, मयूर बोधे, वनरक्षक एन एस पवार, सी जे चौरे, श्री वाघ आदी सहभागी होते. 

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास