भक्ष्याच्या शोधात असलेला बिबट्या जेव्हा विहिरीत पडतो; बघ्यांची तुफान गर्दी

नाशिक : कोटंबी (ता. पेठ) सकाळची वेळ...शेतात गेल्यावर जरावेळातच अचानक बिबट्याचा गुरगुरण्याचा आवाज आला. घाबरुन ते इकडे तिकडे पळू लागले. मात्र नंतर लक्षात आले हा आवाज तर विहिरीतून येतोय. डोकावून बघितले तर समोर... 

 असा आहे प्रकार

शनिवारी (ता. ३१) सकाळी १० वाजे सुमारास कोटंबी येथील शेतकरी पांडूरंग भुसारे हे आपल्या मालकीच्या शेतात गेले. त्यांना विहिरीजवळ बिबट्याचा गुरगुरण्याचा आवाज ऐकू आला. घाबरुन ते इकडे तिकडे बघू लागले. त्यांनी विहिरीत डोकावून बघितले असता त्यांना पाण्यात तरंगताना दिसला. पहाटेच्या सुमारास भक्ष्याच्या शोधात निघालेला साधारण १० महिने वयाचा बिबट्या भुसारे यांच्या विहिरीत पडला. विहीरीत पाणी असल्याने कधी पाण्यात तरंगत कधी कपारीचा आसरा घेत बिबट्याच्या गर्जनेने परिसर दणाणून सोडला.

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

घटनेची खबर वनविभागास समजल्यानंतर वनक्षेत्रपाल श्रीमती मुसळे यांनी याबाबत वरिष्ठांना माहिती दिल्यानंतर फिरते पथक (मोबाईल स्कॉड) सहाय्यक वनसंरक्षक आनंद रेड्डी यांच्यासह रेस्क्यू टीम दुपारी २ ला घटनास्थळी पोहचली. विहिरीत पिंजरा सोडून बिबट्यास जेरबंद करून बाहेर काढले. वरिष्ठांच्या मार्गदर्शनाखाली बिबट्यास जंगलात सोडण्यात येईल, असे वनक्षेत्रपाल श्रीमती मुसळे यांनी सांगितले. यावेळी वनविभागाचे मोबाईल स्कॉड वनक्षेत्रपाल कवर, एन बी पाटील आदी उपस्थित होते.  

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास