धक्कादायक! मालेगावात एकाच कुटुंबातील ६ जण कोरोनाबाधित...परिस्थिती हाताबाहेर जाण्याची भिती

नाशिक/ मालेगाव : मालेगावात कोरोना विषाणूचं थैमान सुरूच आहे. शुक्रवारी सकाळी ६ जणांचे अहवाल कोरोना पॉझिटिव्ह असल्याचे आढळले. आणि आश्चर्याची बाब म्हणजे संगमेश्वर परिसरातील एकाच कुटुंबातील हे ६ जण असून सर्व रुग्ण हाय रिस्क कॉन्टॅक्टमधील कोरोनाबाधित आहेत.  त्यामुळे मालेगावात कोरोना पॉझिटिव्ह रुग्णांची संख्या ११५ वर पोहोचली आहे. (गुरुवारी ता.२३) दुपारपर्यत १४ रुग्णांचा रिपोर्ट पॉझिटिव्ह आला होता. त्यात ६ पुरुष तर ३ महिलांचा सामावेश आहे. सकाळी ५ आणि दुपारी ९ असे एका दिवसात कोरोनाचे १४ रुग्ण कोरोनाबाधित रुग्ण आढळून आले..  एकट्या मालेगावात कोरोनाने ९ जणांचा बळी घेतला आहे, 

मालेगाव बनला कोरोनाचा 'हॉटस्पॉट'

नाशिक जिल्ह्यातील मालेगावात आतापर्यंत कोरोनाचे ११५ पॉझिटिव्ह रुग्ण आढळून आले आहेत. नाशकात १० पॉझिटिव्ह तर ग्रामीण भागात ४ पॉझिटिव्ह आहेत. मालेगाव कोरोनाचा हॉटस्पॉट बनला आहे. नागरिकांमध्ये भीती आहे. मात्र, कोणीही गांभीर्याने घेण्यात तयार नाही. दररोज मोठ्या संख्येने नागरिक घराबाहेर पडत आहेत. आता तर प्रशासनही हतबल झाले आहे. वेळीच कठोर पावलं उचलली नाहीत तर परिस्थिती हाताबाहेर जाण्याची शक्यता नाकारता येत नाही.

तर परिस्थिती हाताबाहेर जाण्यास वेळ लागणार नाही.

मालेगावात कोरोनाबाधित रुग्णांच्या संख्येत सातत्यानं वाढ होत आहे. आतापर्यंत मालेगाव शहरात कोरोनाबाधित रुग्णांनी शंभरी गाठली आहे. त्यामुळे नाशिक जिल्ह्यात मालेगाव शहर कोरोनाचा हॉटस्पॉट बनले आहे. नागरिकांमध्ये भीतीचे वातावरण निर्माण झाले आहे. तरी देखील कोरोना या प्राणघातक रोगाला कोणीही गांभीर्याने घेण्यास तयार नाही. दररोज मोठ्या संख्येने नागरिक घराबाहेर पडून बाजारात गर्दी करत आहेत. गर्दीवर नियंत्रण मिळवण्यासाठी प्रशासन कमी पडत आहे. तर दुसरीकडे ज्यांच्यावर नागरिकांमध्ये कोरोना हा किती घातक आहे, याची जाणीव करून देण्याची जबाबदारी आहे. असे आजीमाजी लोकप्रतिनिधीनी जनतेला वाऱ्यावर सोडत किरकोळ कारणावरून एकमेकांवर आरोप-प्रत्यारोप करण्यात गुंतले आहेत. त्यामुळे आता जर सर्वांनी मिळून कठोर पाऊल उचललं नाही तर परिस्थिती हाताबाहेर जाण्यास वेळ लागणार नाही.

हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन्‌ नैराश्‍य ​

मालेगावात कोरोनाचे थैमान सुरूच.संगमेश्वर परिसरातील एकाच कुटुंबातील ०६ कोरोनाबाधित
सर्व रुग्ण हाय रिस्क कॉन्टॅक्टमधील...
 नाशिक जिल्ह्यात कोरोना बाधित झाले १३०
एकट्या मालेगावचा आकडा पोहोचला ११५ वर..

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?