रात्री ड्युटीवरून महिला घरी जाताना..वाटेत तिघांनी अडविले..अन् मग....

नाशिक : देशात कोरोनाने थैमान घातले असताना लॉकडाऊन जाहीर करण्यात आला आहे. अशातच ग्रीन किंवा ऑरेंज झोनमध्ये काही ठिकाणी नियम शिथिल करण्यात आल्याने कार्यालयेही सुरू करण्यात आले आहेत. अशातच रात्रीच्या वेळेस ड्युटीवरुन घरी जाणार्‍या महिलेसोबत धक्कादायक प्रकार घडला आहे.

असा घडला प्रकार

जानेवारी महिन्यात पोलिस आयुक्त विश्‍वास नांगरे-पाटील यांच्या संकल्पेतून निर्भया पथकातील महिला पोलिसांनी रात्रीच्या वेळी सार्वजनिक ठिकाणी महिलांची छेडखानी करणाऱ्यांचे थेट स्टिंग ऑपरेशन करून त्यांच्या मुसक्‍या आवळण्यात येत होत्या. पण आता पुन्हा असे प्रकार घडू लागले आहेत.ड्युटीवरुन घरी जाणार्‍या महिलेचा पाठलाग करत तिघांनी तिचा विनयभंग केल्याची घटना जेलरोडवरील पंचक परिसरात शनिवारी (दि.१६) रात्री ९.३० वाजेदरम्यान घडली. याप्रकरणी पीडित महिलेने नाशिकरोड पोलीस ठाण्यात तक्रार दाखल केली आहे. त्यानुसार पोलिसांनी तिघांवर गुन्हा दाखल केला आहे.

हेही वाचा > पत्रकारावर हल्ला करणाऱ्या हल्लेखोर सरपंचावर कोरोनाची मेहेरबानी...की आणखी काही? संशय कायम

गुन्हा दाखल झालेले संशयित

पोलिसांच्या माहितीनुसार, शनिवारी महिला दुचाकीने ड्युटीवरून घराच्या दिशेने येत असताना तीन संशियतांनी त्यांच्या दुचाकीचा पाठलाग केला. तिघांनी महिलेची दुचाकी अडवून त्यांचा विनयभंग केला. पुढील तपास सहायक पोलीस निरीक्षक एस.एन. शेळके करत आहेत.निखिल बोराडे (रा. पिंपळपट्टी, बोराडेमळा, जेलरोड ), पृथ्वीराज गायकवाड, उमेश बागुल (पुर्ण नाव पत्ता नाही) अशी गुन्हा दाखल झालेल्या संशयितांचे नाव आहे.

हेही वाचा > दिलासादायक! नाशिक शहरात कोरोनाला लागतोय "ब्रेक'...ही आहेत कारणे..