नारायणगिरी आश्रमात साकारणार औषधी नर्सरी; दोन एकरात वृक्षांची लागवड

येवला (नाशिक) : येथील नारायणगिरी आश्रमात औषधी गुणधर्म असलेल्या औषधोपयोगी वृक्षांची लागवड करण्याचा कार्यक्रम हाती घेतला आहे. येथे दोन एकर क्षेत्रात ४७ प्रकारचे ४५३ वृक्ष आगामी काळात बहरणार आहेत. 

दोन एकरात ४५३ औषधोपयोगी वृक्षांची लागवड 

तालुक्यातील गवंडगाव येथे सामाजिक वनीकरण विभागाने औषधोपयोगी वृक्षांची लागवड करण्याचा कार्यक्रम हाती घेतला आहे. गवंडगाव येथील नारायणगिरी आश्रमात नुकतेच गवंडगाव मॉडेल करण्यास सुरवात झाली आहे. आश्रमातील गट नंबर २४ मध्ये ४७ प्रकारच्या औषधी ४५३ वृक्षांची लागवड दोन एकर क्षेत्रात केली आहे. या वृक्षलागवड उपक्रमाचा श्रीगणेशा मुख्य वनरक्षक नितीन गुदगे, सामाजिक वनीकरण विभागाचे नाशिक पूर्व मुख्य वनरक्षक प्रकाश लोणकर, मुख्य उपवनरक्षक पंकज गर्ग, विभागीय वन अधिकारी चंद्रकांत भारमल, सहाय्यक वनरक्षक श्वेता रेड्डी, सहाय्यक वनरक्षक आनंद रेड्डी, तहसीलदार प्रमोद हिले, पंचायत समितीचे गटविकास अधिकारी डॉ. उमेश देशमुख, सहाय्यक वनसंरक्षक झोले, सहाय्यक वनसंरक्षक श्रीमती बर्गे, वनपरिक्षेत्र अधिकारी संदीप पाटील, वनपाल साहेबराव आव्हाड, नारायणगिरी आश्रमाचे गोपाल महाराज, सरपंच कांचन भागवत, रावसाहेब भागवत, माजी सरपंच सुदाम गायकवाड आदींच्या प्रमुख उपस्थितीत झाला.

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

लागवड केलेल्या औषधी रोपांना पाणी देण्यासाठी विभागीय वन अधिकारी चंद्रकांत भारमल यांनी स्वखर्चाने मोटार, स्टार्टर, केबल, पाइप आदी साहित्य उपलब्ध करून दिले आहे. 

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास