लोकल सुरू होणार असल्याने नाशिककरांना दिलासा! पायपीट थांबणार

नाशिक रोड : मुंबईमध्ये लोकल सुरू होणार असल्याने नाशिककरांना दिलासा मिळाला आहे. मनमाडपासून नाशिककर मुंबईला रोज प्रवास करतात. त्यामुळे अनेकदा बसने प्रवास करावा लागायचा. आता लोकल सुरू झाल्याने नाशिककरांना नियोजित ठिकाणापर्यंत पोचणे शक्य होणार असून, पायपीट थांबणार असल्याचे प्रवाशांनी सांगितले. 

मुंबईकरांसह नाशिककर प्रवासी सुखावला

मुंबईला जाण्यासाठी सकाळी पंचवटीने मनमाडपासून नाशिककर प्रवास करतात. उद्योग, व्यवसाय, नोकरी, खासगी कामांसाठी नाशिककर रोज जिवाची मुंबई करतात. लाॅकडाउनदरम्यान लोकल बंद करण्यात आल्या होत्या. त्या सुरू करण्यात येणार असून, नाशिककरांना कसाऱ्यापर्यंत पोचल्यानंतर पुढे कनेक्टिव्हिटी वाढणार आहे. सोयीनुसार मंत्रालय दादर- माटुंगा- सायन- भाईंदर- चिंचपोकळी- बोरिवली- पनवेल- मुलुंडसह अन्य स्थानकांपर्यंत हवा तसा प्रवास करणे सोपे होणार आहे. मुंबईमध्ये लोकल सुरू होणार असल्याने मुंबईकरांसह नाशिककर प्रवासी सुखावला आहे.  

हेही वाचा > सिनेस्टाइल पाठलाग! खंडणीची मागणी करणारा पोलीसांकडून ट्रेस; पोलिसांत गुन्हा दाखल

हेही वाचा > हॉटेल मालकाने बळजबरीने ग्राहकाकडून घेतला ८० हजारांचा ऐवज; मालकावर गुन्हा दाखल