नाशिक : भाजप, शिवसेने पाठापाठ कोरोनाची साखळी तोडण्यासाठी राष्ट्रवादी कॉंग्रेस मैदानात उतरली असून दिवसभरात शहराच्या विविध भागांमध्ये राबविण्यात आलेल्या तपासणी मोहिमेत ४५० नागरिकांची तपासणी करण्यात आली. तपासणीतून ६१ नागरिक कोरोनाबाधित असल्याच निष्पन्न झाल्याने त्यांच्यावर तातडीने उपचार सरु झाले आहेत.
मोठ्या प्रमाणात तपासणी मोहिम
कोरोना संसर्ग शहरात वाढत असल्याने त्याला आळा घालण्यासाठी कोरोना विरोधतील लढाईत राष्ट्रवादी कॉंग्रेसने मिशन झिरो नाशिक अंतर्गत मंगळवारी (ता. 28) मोठ्या प्रमाणात तपासणी मोहिम राबविली. पालकमंत्री छगन भुजबळ यांच्या मार्गदर्शनाखाली नागरिकांच्या आरोग्य तपासणी बरोबरच रॅपीड ॲन्टिजेन टेस्ट मोहीम सुरु केली आहे. सातपूर भागातील कामगार नगर, सातपूर गांव, जेलरोड परिसर, वडाळा गांव येथील नागरिकांची शरीराचे तापमान तपासण्याबरोबरच, हदयाचे ठोके, पल्स ऑक्सिजन चाचणी करण्यात आले. शहरातील सहा विभागात मोठ्या प्रमाणात तपासणी मोहिम राबविली जाणार असल्याचे शहराध्यक्ष रंजन ठाकरे यांनी दिले.
दिवसभरात ४५० नागरिकांची तपासणी
तपासणी मोहिमेत माजी आमदार अपूर्व हिरे, बाळासाहेब जाधव, सातपूर विभागाचे अध्यक्ष जीवन रायते, जय कोतवाल, पूर्व विधानसभा युवक अध्यक्ष राहुल तुपे, बाळा निगळ, निलेश भंदुरे, असिफ शेख, विकास सोनवणे, प्रशांत कोल्हे, साहेबराव मोगल, भिवानंद काळे, पप्पू पाटील, योगेश आहेर, मनोज म्हैसधुणे, योगेश चौरे, भिलाजी मढे, चंद्रकांत ठाकरे, मीनाक्षी गायकवाड, शिवाजी मटाले, छगन भंदुरे, मुस्ताक शेख, संदेश दोंदे, प्रसाद सांळुखे, राहुल तांबे, सुशिल शिंदे, फिरोज शेख आदींनी सहभाग नोंदविला. दरम्यान दिवसभराच्या तपासणी मोहिमेत ४५० नागरिकांची तपासणी करण्यात आली. त्यात ६१ नागरिक कोरोना बाधित आढळल्याने त्यांच्यावर उपचार सुरु करण्यात आले.
मिशन झिरो नाशिक अंतर्गत राष्ट्रवादी कॉंग्रेसने शहराच्या विविध भागा मध्ये रॅपिड ॲण्टीजेन टेस्ट करण्यास सुरुवात केली असून यातून नागरिकांमधील भीती दुर करण्यास मदत होत आहे. शहराच्या सहा विभागात मोठ्या प्रमाणात तपासणी मोहिम राबविली जाणार आहे. - रंजन ठाकरे, शहराध्यक्ष, राष्ट्रवादी कॉंग्रेस.
संपादन - किशोरी वाघ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.