नाशिक : जुने नाशिक भागातील अमरधाममधील अतिरिक्त विद्युतदाहिनी उभारण्याचे काम सप्टेंबरअखेर पूर्ण होऊन ती कार्यान्वित करण्यात आली. महिनाभरात सुमारे ३० मृतदेहांवर अंत्यसंस्कार करण्यात आल्याची माहिती सूत्रांनी दिली.
नवीन विद्युतदाहिनी कार्यान्वित; महिनाभरात तीस अंत्यसंस्कार
सप्टेंबरमध्ये कोरोनामुळे मृत्यूचे प्रमाण वाढले होते. त्यात सामान्य आजार किंवा नैसर्गिक मृत्यू होणाऱ्यांच्या संख्येने मृतांचा आकडा वाढला होता. मृतदेहांना वेटिंगवर ठेवण्याची वेळ आली होती. कोरोना प्रादुर्भाव लक्षात घेता अमरधाममध्ये गॅस किंवा विद्युतदाहिनीवरच अंत्यसंस्कार केले जातात. एका मृतदेहास सुमारे दीड तास लागत असल्याने मोठी अडचण निर्माण झाली होती. मृतदेहांची हेळसांड होऊ नये म्हणून महापालिकेकडून नवीन विद्युतदाहिनीच्या कामास सुरवात केली. २० सप्टेंबरपासून दाहिनी प्रत्यक्ष कार्यान्वित झाली. त्यामुळे विद्युत आणि गॅस दाहिनींवर पडणारा ताण कमी झाला. सध्या दोन विद्युत दाहिनी, एक गॅस दाहिनी आणि १४ खाटा पारंपरिक अंत्यसंस्कारासाठी उपलब्ध आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.