Coronaupdates : जिल्ह्यात कोरोनाबाधितांचा आकडा 900 पार; मुंबई कनेक्‍शनही ठरतेय घातक

नाशिक : जिल्ह्यात शुक्रवारी (ता. 22) दिवसभरात मालेगाव येथील दोन आणि नाशिक शहरातील 11 असे एकूण 13 जणांचे कोरोना रिपोर्ट पॉझिटिव्ह आले. दरम्यान, जिल्ह्यातील कोरोनाबाधित रुग्णांची संख्या 903 झाली असून, मुंबई कनेक्‍शनच्या पार्श्‍वभूमीवर गेल्या पाच दिवसांत जिल्ह्यात तब्बल 107 रुग्ण वाढले आहेत. 

203 बाधित रुग्णांवर उपचार सुरू

नाशिक शहरातील रुग्णांमध्ये 7 ते 13 वयोगटातील चौघांचा समावेश असून, यात तीन मुली आहेत. बाधित रुग्णांच्या वाढत्या संख्येमुळे नाशिककरांच्या चिंतेत भर पडली आहे. विशेषत: मालेगावपाठोपाठ आता रुग्णांचे मुंबई कनेक्‍शन घातक ठरत असून, जिल्हावासीयांसाठी हा चिंतेचा विषय ठरतोय. दुसरीकडे जिल्ह्यातील रुग्णसंख्या 903 झाली असून, त्यातील 654 रुग्ण कोरोनामुक्त झाले आहेत. सध्या जिल्ह्यात विविध रुग्णालयांमध्ये 203 बाधित रुग्णांवर उपचार सुरू असून, यात मालेगावातील 140 रुग्णांचा समावेश आहे. 

जिल्ह्यातील कोरोना रुग्णांचे तारीखनिहाय टप्पे 

* 27 मार्च : पहिला रुग्ण 
* 21 एप्रिल : 100 
* 28 एप्रिल : 200 
* 2 मे : 300 
* 5 मे : 400 
* 6 मे : 500 
* 9 मे : 600 
* 12 मे : 700 
* 18 मे : 800 
* 22 मे : 900 

हेही वाचा > सिनेस्टाईलने केला 'असा' प्रताप...नंतर रंगला पाठलागाचा थरार...अन् समोरच्या वाहनावर जेव्हा धडकले..तेव्हा

एकूण कोरोनाबाधित : 903 

* मालेगाव : 686 
* नाशिक : 67 
* उर्वरित जिल्हा : 111 
* अन्य जिल्ह्यांतील : 39 
* जिल्ह्यात एकूण मृत्यू : 46 
* कोरोनामुक्त : 654  

हेही वाचा > चार वर्षांनंतर 'तो' रस्ता चकाकला...पण, श्रेय कुणाचे? राजकारण तापण्याची शक्‍यता