चिंताजनक! जिल्ह्यात कोरोना पॉझिटिव्ह पाचशे पार..आकडा 507

corona patient 123.jpg
corona patient 123.jpg

नाशिक : जिल्ह्यात 26 दिवसांत शंभर कोरोनाचे रुग्ण सापडल्यानंतर पुढचे 400 रुग्ण मात्र अवघ्या 16 दिवसांत आढळून आल्याने जिल्ह्याचा आकडा बुधवार (ता. 6)अखेर पाचशेच्या वर गेला आहे. बुधवारी दिवसभरात 33 पॉझिटिव्ह रुग्ण आढळले. दरम्यान, मालेगावात बुधवारी पुन्हा एका संशयिताचा मृत्यू झाला. 

गुरुवारी(ता.७)  जिल्ह्यात आणखी चार पॉझिटिव्ह रुग्ण. 
- नाशिकच्या - टाकळी रोडला समता नगरमध्ये एक
- येवल्यात 2
- सिन्नरमध्ये 1 
जिल्ह्यात - 507

33 नवीन कोरोनाचे रुग्ण; मालेगावात संशयिताचा मृत्यू ​
जिल्ह्यात कोरोना रुग्णांमध्ये दिवसागणिक झपाट्याने वाढ होत आहे. प्रामुख्याने मालेगावात कोरोनाबाधितांचा वाढता आकडा जिल्हा प्रशासन व आरोग्य यंत्रणेसाठी चिंताजनक होत आहे. मंगळवारी (ता. 5) मध्यरात्रीपर्यंत जिल्ह्यात कोरोनाचे रुग्ण 470 झाले होते. बुधवारी दिवसभरात नव्याने 33 नवीन कोरोनाग्रस्त रुग्ण आढळून आले. जिल्ह्यात कोरोनाग्रस्तांचा आकडा 503 झाला आहे. बुधवारी दिवसभरात जिल्ह्यात मालेगाव आणि दाभाडीत नव्याने 33 कोरोनाचे रुग्ण निष्पन्न झाले. गुरूवारी (ता.७) जिल्ह्यात कोरोनाग्रस्तांचा आकडा 507 झाला आहे.

48  रिपोर्ट निगेटिव्ह, 17 जणांचा मृत्यू
दरम्यान, जिल्ह्यातील 805 कोरोना संशयित रुग्णांचे रिपोर्ट प्रलंबित आहेत. यामध्ये नाशिक ग्रामीणचे 64, नाशिक महापालिकेचे 38, मालेगावचे 697 आणि परजिल्ह्यातील सहा असे 805 रुग्णांचे स्वॅब प्रयोगशाळेकडे प्रलंबित आहेत. प्रलंबित रिपोर्ट वेळेत मिळत नसल्याने संशयित रुग्ण व त्यांचे आप्तस्वकीय चिंताग्रस्त झाले आहेत. जिल्ह्यात आजअखेर तीन हजार 48 कोरोना संशयित रुग्णांचे रिपोर्ट निगेटिव्ह आले असून, 17 जणांचा मृत्यू झाला आहे. 

जिल्ह्यातील कोरोना रुग्णांचा तारखेनिहाय टप्पा 
- 27 मार्च : पहिला रुग्ण 
-16 एप्रिल : 50 
- 21 एप्रिल : 100 
- 28 एप्रिल : 200 
- 2 मे : 300 
- 5 मे : 400 
- 6 मे : 500 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com