कामगार उपायुक्तांसह अधिकाऱ्यांना कोंडले कार्यालयात... प्रहार संघटनेच्या पदाधिकारी विरोधात गुन्हा दाखल

नाशिक / सातपूर : ड्रिलबीट्‌स कंपनी विरोधात प्रहार संघटनेच्या कामगारांनी सोमवारी (ता. 6) कामगार उपायुक्त कार्यालयाला कुलूप लावून उपायुक्तांसह अधिकारी व कर्मचाऱ्यांच्या बंदिस्त करून आंदोलन केले, पण वेळीच पोलिसांनी हस्तक्षेप केला. व्यवस्थापनाशी लवकरच चर्चा करण्याच्या आश्‍वासनानंतर आंदोलन मागे घेण्यात आले. प्रहार संघटनाचे पदाधिकारींनी आंदोलन करतांना कामगार उपआयुक सह आधिकारी कर्मचारी कार्यालयात कोंडल्या प्रकरणी प्रहार संघटनेच्या पदाधिकारी विरोधात सातपूर पोलिस ठाण्यात गुन्हा दाखल करण्यात आला आहे.

"प्रहार'ने लावले कार्यालयाला कुलूप; पोलिसांच्या मद्यःस्थीने आंदोलन मागे
सातपूर येथील ड्रिलबीट्‌स कंपनीने 81 कर्मचाऱ्यांना काढून टाकल्याबाबत कामगार उपायुक्त कार्यालयात अनेक बैठका घेऊनही व्यवस्थापन कर्मचाऱ्यांसमवेत बैठकीला उपस्थित राहत नव्हते. या प्रकाराने संतप्त झालेल्या प्रहार संघटनेच्या पदाधिकाऱ्यांसह 81 कामगारांनी कामगार उपायुक्त कार्यालयाचा दरवाजा बंद करून आंदोलन केले.

हेही वाचा > हॅलो..सैन्यदलातून बोलतोय..समोरून भामट्याने घातला असा गंडा..

यासाठी कोंडले कामगार उपायुक्तांसह अधिकाऱ्यांना 

परिस्थितीचे गांभीर्य लक्षात घेऊन सहाय्यक कामगार आयुक्त वि. ना. माळी, पोलिस उपायुक्त अशोक नखाते, सातपूर पोलिस ठाण्याचे वरिष्ठ निरीक्षक राकेश हांडे यांनी "प्रहार'चे अध्यक्ष अनिल भडांगे यांच्याशी चर्चा केली. चर्चेत पोलिस प्रशासन व कामगार उपायुक्तांनी 8 जुलैला व्यवस्थापनासमवेत सकारात्मक चर्चा करू, असा शब्द दिला. त्यानंतर आंदोलन मागे घेण्यात आले.

हेही वाचा >  "आता मुख्यालयीच थांबा.. अन्यथा.." सरकारी बाबूंकडुनच नागरिकांना भीती 

सुमारे 80 कामगार उपस्थित

या वेळी कामगारांनी जोरदार घोषणाबाजी केली. आंदोलनात प्रहारचे जिल्हाप्रमुख अनिल भडांगे, जिल्हा सरचिटणीस नितीन गवळी, उपजिल्हाप्रमुख अमजद पठाण, कार्याध्यक्ष मोतीलाल चव्हाण, सहसरचिटणीस वैभव देशमुख, शहरप्रमुख श्‍याम गोसावी आदी कार्यकर्ते, पदाधिकारी व कंपनीतील सुमारे 80 कामगार उपस्थित होते.