लासलगाव कृषी उत्पन्न बाजार समितीत आजही कांदा लिलाव बंदच

लासलगाव (जि.नाशिक) : लासलगाव कृषी उत्पन्न बाजार समितीच्या आवारात मंगळवारी (ता.२७) मुख्य कार्यालयात निफाडचे सहाय्यक निबंधक अभिजीत देशपांडे यांच्या उपस्थितीत व्यापारी वर्गाची बैठक संपन्न झाली.या बैठकीत कोणताही सन्मानजनक तोडगा निघाला नाही, व्यापाऱ्याने त्यांच्याकडून लवकर डिस्पॅच करून कांदा लिलाव सुरू करण्याचे आवाहन केले.

आवक नसल्यामुळे आजही कांद्याचे लिलाव बंद
तथापि आवक नसल्यामुळे आजही कांद्याचे लिलाव होऊ शकले नाही.
या बैठकीला बाजार समितीच्या  सभापती सुवर्णा जगताप बाजार समितीचे सचिव नरेंद्र वाढवणे यांच्यासह व्यापारी वर्ग उपस्थित होते. दरम्यान लासलगांव कृषी उत्पन्न बाजार समितीमध्ये आज (ता.२६) सोमवारी कांद्याची आवक न आल्याने लिलाव सुरु झाले नाही. गेल्या काही दिवसांपासून कांद्याचे भाव गगनाला भिडले आहेत. जोरदार पावसानं शेतकऱ्यांच्या कांदा पिकाचं मोठ्या प्रमाणात नुकसान झालं आहे. दुसरीकडे केंद्र शासनाने कांदा साठवणुकीवर निर्बंध आणल्यामुळे महाराष्ट्र राज्य कांदा उत्पादक शेतकरी संघटना आक्रमक झाली आहे. 

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ
 

लिलाव बंद असल्याने शेतकऱ्यांची मोठी गैरसोय

गेल्या दोन दिवसांपासून साठवणुकीवर निर्बंध घातले या संदर्भात सोशल मिडीयावर मेसेज व्हायरल होत होते. त्यामुळे शेतकरी वर्गाने माल विक्रीस आणला नाही, जिल्ह्यातील प्रमुख बाजारसमिती मध्ये आवके अभावी लिलाव बंद पडले. बाजार समिती च्या सभापती सुुुवर्णा जगताप यांनी पुरेशी आवक आल्यावर लिलाव सुरु करण्यात येतील असे सांगितले.विंचुर बाजार समिती मध्ये 5 नग लिलावासाठी आले होते. ते पण शेतकरी वर्गाने घरी घेऊन जाणे पसंद केले.

हेही वाचा > पतीनेच चोरीचा बनाव करत गरोदर पत्नीला संपविले; सासऱ्याची जावयाविरुध्द तक्रार

संपादन - ज्योती देवरे