नाशिक : बाभूळगाव (ता. येवला) येथील महाविद्यालयात अकरावीत शिकत असलेल्या विद्यार्थ्याने इमारतीच्या चौथ्या मजल्यावरून उडी घेत आत्महत्या केल्याचा प्रकार घडला. मात्र, या विद्यार्थ्याचा मृत्यू संशयास्पद असून, घातपात झाल्याचा आरोप पालकांनी पत्रकार परिषदेत केला आहे. तसेच पोलिसांकडूनही याप्रकरणी गुन्हा दाखल केला जात नसल्याचेही पालकांनी म्हटले आहे.
अशी घडली घटना...
देवराज यादव भरसट (मूळ रा. लक्ष्मणनगर, पेठ रोड, पंचवटी) असे मृत विद्यार्थ्याचे नाव आहे. त्याचे वडील यादव भरसट यांनी यासंदर्भात बुधवारी (ता. 11) पत्रकार परिषद घेत संबंधित महाविद्यालयावर आरोप केले आहेत. देवराज याने गेल्या 26 फेब्रुवारीस पहाटे अडीचच्या सुमारास महाविद्यालयातील होस्टेलच्या चौथ्या मजल्यावरून उडी घेत आत्महत्या केली. होस्टेल अधिकाऱ्यांनी त्यास उपचारासाठी येवल्याच्या शासकीय रुग्णालयाऐवजी शिर्डी येथील साईबाबा हॉस्पिटलमध्ये दाखल केले. तसेच पालकांना पहाटे सव्वापाचला, तुमचा मुलगा बाथरुममध्ये पडल्याने त्यास शिर्डी हॉस्पिटलमध्ये दाखल केल्याचे कळविले. त्यानुसार पालक तेथे पोचले असता, त्यांना प्रत्यक्ष पाहण्यास मनाई करण्यात आली. पोलिसांनीही कोणतीही माहिती न देता पंचनामा केला. तसेच पालकांशी अरेरावी केली. त्यामुळे देवराज याने आत्महत्या केली नसून, त्याचा घातपात झाल्याचा आरोप त्याच्या वडिलांनी केला आहे. यासंदर्भात नाशिक ग्रामीणच्या पोलिस अधीक्षक डॉ. आरती सिंह, आदिवासी आयुक्तांना निवेदन देऊन चौकशी करण्याची व संस्थाचालकांविरोधात गुन्हा दाखल करण्याची मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.