VIDEO :...अन् जवानाचे पॅराशूट अडकले बाभळीच्या झाडावर...मग...

नाशिक :  विमानातून पॅराशूटद्वारे जमिनीवर उडी मारण्याचे प्रात्यक्षिक करताना एका जवानाचे पॅराशूट एका बाभळीच्या झाडावर अडकले आणि एकच तारांबळ उडाली. यावर त्या जवानाला वाचविण्याचे प्रयत्न सुरू झाले.

वारा सुटल्याने जवानाचे पॅराशूट भरकटले..अन्...

आज (ता.११) सकाळी साडेनऊ वाजता हा प्रकार घडला.आर्टिलरी सेंटर येथील केंद्रात वैमानिकांना प्रशिक्षण दिले जाते. त्याअंतर्गत विमानातून पॅराशूटद्वारे उतरण्याचे प्रशिक्षणही दिले जाते. असे प्रशिक्षण घेत असलेल्या काही जणांनी आज सकाळी एका विमानातून १३ हजार फुटांवरून उडी मारली. त्यापैकी हनिफ नापा या लष्करी जवानाचे पॅराशूट वारा सुटल्याने भरकटले. यानंतर हनिफ नापा उपनगरातील अमित काठे यांच्या शेतात असलेल्या बाभळीच्या झाडावर अडकले. अमित कोठे यांनी झाडाची फांदी तोडून नापा यांची सुटका करण्याचा प्रयत्न केला. परंतु त्यात त्यांना अपयश आले. यानंतर त्यांनी नाशिक महापालिकेच्या अग्निशमन दलाला घटनेची माहिती दिली. त्यानुसार नाशिक शहरातील शिंगाडा तलाव आणि पंचवटी येथील अग्निशमन दलाच्या जवानांनी घटनास्थळी येऊन झाड तोडले आणि त्या जवानाची सुखरुप सुटका केली. नापा यांना कोणतीही इजा झाली नसल्याची माहिती अग्निशमन दलाच्या जवानांनी दिली.

हेही वाचा > लग्न जमण्याच्या आधीच 'दोघांना' भेटणं पडलं चांगलच महागात...! 

भाबळीचे काटे अंगावर टोचल्याने जवान किरकोळ जखमी

भाबळीचे काटे अंगावर टोचल्याने जवान किरकोळ जखमी झाल्याचे समजते. सुदैवाने यात कोणतीही जीवीत हानी झाली नाही. घटनेची माहिती मिळताच अग्निशमन दलाचे पथक घटनास्थळी पोहचले. आणि त्या बाभळीच्या झाडातून जवानाला सुखरूप बाहेर काढण्यात आले. दैनंदिन सराव करताना तीन पॅराशूट फेल झाल्याने हा अपघात घडल्याची माहिती आर्मीच्या अधिकाऱ्यांनी दिली.

\हेही वाचा >  भयानक प्रकार! हुंडा दिला नाही म्हणून डोक्यात घातला लाकडी दांडका..