मृत्यूच्या दाराशी येऊन ठेपताच प्लाझ्माने दिले जीवदान! कशी मिळाली जगण्याची नवी आशा ते वाचा..

नाशिक : मृत्यू दाराशी येऊन ठेपताच प्लाझ्मा बदल पद्धतीचा वापर करून टीटीपी आजाराने ग्रस्त रुग्णांना जीवदान दिले.अशातच आता अशा रुग्णांना जगण्याची नवी आशा मिळाली.

जगण्यासाठी मिळाली आशा

येथील दोन रुग्णालयांमध्ये प्लाझ्मा बदल पद्धतीचा वापर करून अर्पण रक्तपेढीने दोन टीटीपी आजाराने ग्रस्त रुग्णांना जीवदान दिले. टीटीपी आजारात काही प्रतिजैविकांमुळे रक्तबिंबिकेच्या (प्लेटलेट) गुठळ्या रक्तवाहिन्यांमध्ये होऊ लागतात. लाल रक्तपेशी आणि रक्तबिंबिका या फुटू लागतात. त्यामुळे रुग्ण दगावण्याची शक्यता असते. रुग्णाच्या शरीरातील प्लाझ्मा रक्तदात्याच्या प्लाझ्माने बदल करणे ही उपचारपद्धती आहे. त्यातून प्लाझ्मा या रक्तघटकातील आजारास कारणीभूत असलेली प्रतिजैविके (अँटिबॉडीज) निघून जातात. रुग्णाचे प्राण वाचतात. हिमॅटोलॉजिस्ट डॉ. नीलेश वासेकर यांनी ही माहिती दिली.  

हेही वाचा > VIDEO : पहिल्याच प्रयत्नात झाला अधिकारी! सामान्‍य रिक्षाचालकाच्या मुलाची उंच भरारी...

हेही वाचा > हृदयद्रावक! ताई आता कोण बांधणार गं राखी.. रिकामे मनगट घेऊन भावंड बघताएत वाट

संपादन - ज्योती देवरे