मध्यरात्रीची वेळ..सामसुम घाटात कोणीही नसताना चांगली संधी साधली...पण गेमच फसला!

नाशिक/ जांबूळपाडा : मध्यरात्रीच्या सुमारास घाटात अनेक अशा घटना घडत असतात. केशव धूम हे रविवारी रात्री सैन्यात असलेला चुलत भाऊ दिनेश याची सुट्टी संपल्याने दोघांसह त्याला कारने) मुंबई विमानतळावर सोडण्याकरिता निघाले होते. पण त्यावेळीच अशी एक घटना घडली. ज्याने साऱ्यांनाच घाम फुटला.

असा घडला प्रकार

  सुरगाणा तालुक्यातील अलंगुण येथील केशव धूम हे रविवारी रात्री सैन्यात असलेला चुलत भाऊ दिनेश याची सुट्टी संपल्याने दोघांसह त्याला कारने (एमएच१५ जीएल ८६७६) मुंबई विमानतळावर सोडण्याकरिता निघाले होते. यावेळी रात्रीच्या सुमारास ते पळसन-पळशेतमार्गे देवळा शिवारातून नाशिककडे येत असतांना करली घाटात खेड (ता. सुरगाणा) येथील सागर बोरसे आणि त्याच्या इतर तिघा साथीदारांनी घाटातून जाणाऱ्यांना लुटण्याच्या इराद्याने करवली नाल्याजवळ आपल्या मोटारसायकल (एमएच १५ सीजी ७९८६) आडवी लावली. अन् मग...

हेही वाचा > VIDEO : पहिल्याच प्रयत्नात झाला अधिकारी! सामान्‍य रिक्षाचालकाच्या मुलाची उंच भरारी...

ज्याला लुटायला गेला त्यानेच ओळखले

 याचवेळी संशयितांनी धूम यांची गाडी थांबवित त्यांना आपल्याजवळील धारधार शस्त्राने धाक दाखविला. मात्र याचवेळी केशव धूम यांनी संशयित सागर यास ओळखले. ओळखीच्या माणसाला अडवून लुटण्यास निघालो. आता आपण पकडले जाणार या भितीने चौघांनी हत्यारे जागेवरच टाकून मोटारसायकलवर धूम ठोकली. त्यानंतर केशव धूम यांनी मुंबईवरून येताच पोलिस ठाणे गाठले आणि संशयित सागर विरूद्ध तक्रार केली. पोलिसांनी देखील परिस्थितीचे गांभीर्य ओळखत तत्काळ संशयित सागर आणि त्याच्या साथीदारांना पकडले. न्यायालयाने या सर्वांना सात दिवसांची पोलिस कोठडी देखील सुनावली. 

हेही वाचा > हृदयद्रावक! ताई आता कोण बांधणार गं राखी.. रिकामे मनगट घेऊन भावंड बघताएत वाट

चोरट्यांनी गावाकडे पळ

 सुरगाणा (जि.नाशिक) येथील करली घाटात असाच प्रकार घडला. धारधार शस्त्रांचा धाक दाखवून लुटण्याचा प्रयत्न देखील झाला. मात्र ज्याला लुटायचे त्यांनेच चोरट्यास ओळखले. आपण पकडलो गेलो यातून हत्यारे तिथेच टाकून चोरट्यांनी गावाकडे पळ काढला.

संपादन - ज्योती देवरे