नाशिक पोलीस इन अ‍ॅक्शन मोड! दिवसभरात १३ ठिकाणी छापे; सापडल्या संशयास्पद गोष्टी

नाशिक : अवैध धंद्यावर कारवाई कुणी करायची, परवानगी इतर विभागणी द्यायची आणि लुटुपुटीच्या कारवाई पोलिसांनी करायच्या याला पोलिस आयुक्तांनी विरोध करीत हे काम फक्त पोलिसांचे नाही अशी भूमिका घेतली होती यावरून जिल्हाधिकाऱ्यांना पत्रही दिले होते.

९ पोलिस ठाण्याच्या हद्दीत १३ ठिकाणी छापे

दरम्यान, शहरातील काही आमदारांनी थेट उपमुख्यमंत्री अजित पवार यांच्याकडे पोलिसांच्या भूमिकेविषयी तक्रारी करीत पोलीस आयुक्तावर निशाणा साधला होता, त्यानुसार विभागीय आयुक्त राधाकृष्ण गमे यांनी बैठक घेत हे काम पोलिसांचेच असल्याचे सांगितले होते त्यानुसार बुधवारी पोलिसांनी अवैध धंद्यावर कारवाया सुरू केल्या दिवसभरात ९ पोलिस ठाण्याच्या हद्दीत १३ ठिकाणी छापे टाकले. 

हेही वाचा > साईबाबांच्या दर्शनाची इच्छा अपूर्णच; बाईकवरून शिर्डीवर निघालेल्या तीन तरुणांवर काळाचा घाला

८८ हजाराचा ऐवज हस्तगत 

विभागीय आयुक्तांच्या अध्यक्षतेखालील बैठकीत ठरल्यानंतर बुधवारी (ता.६) शहर पोलिसांच्या पथकाने १३ ठिकाणी छापे टाकून ३६ संशयितावर कारवाई करीत ५३ हजार ४६५ रुपयांची दारू तर ३४ हजार १८० रुपयांचे जुगार साहित्य हस्तगत केले.

हेही वाचा > निर्दयी मातेनेच रचला पोटच्या गोळ्याला संपविण्याचा कट; अंगावर काटा आणणारा संतापजनक प्रकार उघड