महिलेच्या मृत्यूनंतर प्रशासन कारवाईसाठी मैदानात; नॉयलॉन मांजा विक्रीविरोधात शहरात छापेमारी

जुने नाशिक : नायलॉन मांजामुळे महिलेचा मृत्यू झाल्याच्या घटनेनंतर जिल्हा प्रशासन आणि पोलिसांकडून पतंग दुकानांवर छापेमारी करत कारवाई सुरु केली आहे. महापालिका प्रशासन देखील कारवाईसाठी मैदानात उतरले आहेत. पूर्व विभागाच्या घनकचरा विभागाच्या कर्मचाऱ्यानी त्यांच्या विभागात येणाऱ्या विविध पतंग दुकानाची तपासणी केली. विक्रेत्यांमध्ये नायलॉन मांजा विक्री करु नये, अशा सूचना देत जनजागृती करण्यात आली. 

नायलॉन मांजामुळे द्वारका परिसरात महिलेचा मृत्यू झाला. नाशिक रोड भागातही एका मुलाचा कान कापला गेल्याची घटना घडली. आशा घटनांना घेवून सामाजिक आणि पर्यावरण संस्था तसेच, नागरीकानी प्रचंड संताप व्यक्त केला. जिल्हाधिकारी आणि पोलिस आयुक्ताना नायलॉन मांजा विक्रेत्यांवर कारवाई करण्याचे निवेदन देण्यात आले. त्यांच्याकडूनही घडलेल्या घटना आणि निवेदनाची दखल घेतली. मांजा विक्रेत्यांवर कारवाई करत गुन्हा दाखल करण्याच्या सूचना देण्यात आल्या त्यांच्याकडे असलेला मांजा जप्त करण्यास सांगण्यात आले. त्यानूसार पोलिसांकडून विविध दुकानांची तपासणी करण्यात आली. शहरातील काही दुकानदारांवर गुन्हे देखील दाखल करण्यात आले. आता महापालिकेकडूनही नायलॉन मांजा विक्रेता दुकानदारांवर कारवाई करण्यास सुरुवात केली आहे. महापालिका पूर्व विभागाच्या घनकचरा विभागाच्या पथकाने विविध भागातील दुकानाची तपासणी सुरु केली. दुकानांमध्ये विक्रीस असलेला मांजा कॉटनचाच आहे, का याची प्रत्यक्ष तपासणी केली. नायलॉन विक्री केले जात नाही, आशयाचे फलक दर्शनी भागात लावावे. जेणे करुन नागरीकही त्याची मागणी करणार नाहीत. अशा सुचनाही करण्यात आल्या. 

हेही वाचा - ह्रदयद्रावक! केवळ लेकरासाठीच मातेचे कष्ट अन् धडपड; नियतीचा घाला आला आणि सहा वर्षाचं लेकरू झालं पोरकं

नोटीस नाही, धडक कारवाई.. 

दरवर्षी नायलॉन मांजा विक्री करु नये. आशयाची नोटीस पोलिसांकडून मांजा विक्रेत्याना बजावली जात. यावर्षी महिलेच्या मृत्यूच्या घटनेनंतर सामाजिक संस्था आणि पक्षांनी घेतलेली आक्रमक भूमिका लक्षात घेता. यंदा पोलिसानी विक्रेत्याना नोटीस देण्याचा सोपस्कार न करता. धडक कारवाई करत गुन्हे दाखल केले जात आहे. 

हेही वाचा - सरपंचपद भोगल्यानंतर भयाण वास्तवाचा सामना! माजी सरपंचांवर आज मजुरीची वेळ