रंगाचा झाला भंग!...जेव्हा वाटेत दिसला 'तो'...अन् मग

नाशिक : (म्हसरूळ) येथील चामरलेणेवर सकाळी गिर्यारोहणासाठी गेलेल्या दोन गिर्यारोहक टोकावर चढत असतांना अडकले, त्यांची सुखरूप सुटका करण्यात म्हसरूळ पोलीस व अग्निशामक दलाच्या जवानांना यश मिळाले आहे.

असा आहे प्रकार

रविवार म्हटले की, गिर्यारोहक चामारलेणे येथे गिर्यारोहणासाठी येत असतात. रविवार (ता.23) रोजी सकाळी नऊ वाजता पेठरोडवरील दत्तनगर येथील पंचवीस वर्षीय दिपक व सोळा वर्षीय ऋषिकेश कोठूळे हे गिर्यारोहणासाठी चामरलेणेंच्या टोकावर वर जात असतांना वाटेत मुरूम व दगड लागले व त्या ठिकाणी अचानक सर्प दिसल्याने हे दोघेही घाबरले व अडकून पडले. त्यावेळी दीपक याने अग्निशामक दलाच्या दूरध्वनी क्रमांका वर संपर्क साधून अडकल्याची माहिती दिली. पुढील पंधरा ते वीस मिनिटात म्हसरूळ पोलिस ठाण्याचे सहायक पोलीस निरीक्षक शिवाजी आहिरें व पोलीस शिपाई नितीन पारधी, सोपान पवार तसेच अग्निशामक दलाचे नितीन म्हस्के, धीरज पाटील, मंगेश पिंपळे पोहचले आणि जवळपास एक ते दीड तासात अडकून पडलेले गिर्यारोहक दिपक व ऋषिकेश यांची सुखरूप सुटका करत चामारलेण्याच्या पायथ्याशी घेऊन आले व त्या दोनही गिर्यारोहकांच्या वडिलांच्या ताब्यात दिले.

हेही वाचा > लासलगाव जळीतकांड प्रकरण : 'ती'ला दिला अखेरचा निरोप!

गिर्यारोहकांनी गिर्यारोहण करताना आपण जेवढे ध्येय गाठू शकतो तो पर्यंत जावे अन्यथा त्याठीकानाहून माघारी यावे आणि जीव घेणे प्रयत्न टाळावेत. - पंढरीनाथ ढोकणे, वरिष्ठ पोलिस निरीक्षक, म्हसरूळ पोलिस ठाणे 

हेही वाचा > ...अन् चक्क पाच टन द्राक्षे फेकावी लागणार?...द्राक्ष हंगामापुढे पेच