आशा, गटप्रवर्तकांसाठी १७० कोटींची तरतूद...१ जुलैपासून मिळणार वाढीव मानधन!

नाशिक : राष्ट्रीय आरोग्य अभियानांतर्गत कार्यरत राज्यातील ७२ हजार आशा स्वयंसेविकांना दरमहा दोन हजार आणि साडेतीन हजार गटप्रवर्तकांना तीन हजार रुपयांचा मोबदला देण्याचा निर्णय राज्य सरकारने घेतला. याबाबत आदेश आरोग्य मंत्रालयाने शुक्रवारी (ता. १७) काढला. मोबदल्याची वाढ १ जुलैपासून दिली जाईल. त्यासाठी सरकारने १७० कोटींची तरतूद केली आहे.

एक जुलैपासून मिळणार वाढीव मानधन

केंद्राच्या सूचनांनुसार ७८ पैकी नियमित चार कामांसाठी आशा स्वयंसेविकां च्या मोबदल्यात राष्ट्रीय आरोग्य अभियानातून वाढ केली आहे. कोरोनायोद्धा म्हणून काम करणाऱ्या आशा स्वयंसेविकांना केंद्र सरकार दोन हजार रुपये मानधन व कामाचा मोबदला वेगळा देते. गटप्रवर्तकांना प्रवासभत्ता दिला जातो. त्यामुळे मानधनवाढीच्या मागणीसाठी २०१९ मध्ये १५ दिवस संप झाला होता. त्याची दखल घेतली नाही. ३ जुलै २०२० पासून आयटकसह सर्वच सहा आशा संघटना एकत्र येऊन संपाची हाक दिली. मात्र, महाविकास आघाडी सरकारने मानधनवाढीचा निर्णय घेतला. सरकारने सर्वेक्षणाचा मोबदला रोज ३०० रुपये आशा व गटप्रवर्तकांना द्यावा. संरक्षण साहित्य मोठ्या प्रमाणात द्यावे.

हेही वाचा > धक्कादायक! खासगी रुग्णालयांकडून कोविड उपचारात अनियमितता... कारवाईची शक्यता

आशा व गटप्रवर्तकांच्या कामाची दखल घ्यावी

सर्वेक्षणासाठी गावपातळीवर करण्यात आलेली कोरोना आपत्ती निवारण समितीतील सर्वांनी मदत करावी. आशा व गटप्रवर्तकांना किमान वेतन २१ हजार रुपये दरमहा मिळावे, अशी अपेक्षा आहे. आशा व गटप्रवर्तकांच्या कामाची दखल सरकारने घ्यावी, असे आयटकचे राज्य सरचिटणीस श्याम काळे यांनी म्हटले आहे. 

हेही वाचा > अखेर जिल्ह्यात 'हा' पर्याय वापरुन भातांच्या रोपांची लागवड...वाचा सविस्तर बातमी