कमी पटसंख्येच्या शाळा बंद करणार ही अफवाच! 

नाशिक : राज्यातील जिल्हा परिषद शिक्षण विभागांतर्गत सुरू असलेल्या शाळा बंद करण्याचे कोणतेही नियोजन नाही. याबाबत चुकीचा संदेश पसरत असून, ही केवळ अफवाच असल्याचे जिल्हा परिषद प्राथमिक विभागाचे शिक्षणाधिकारी राजीव म्हसकर यांनी सांगितले. 

जिल्हा परिषद प्राथमिक शिक्षण विभागाचे स्पष्टीकरण 
जिल्ह्यातील वीसपेक्षा कमी पटसंख्या असलेल्या तब्बल ३०२ शाळा बंद करण्याचा निर्णय जिल्हा परिषदेच्या शिक्षण विभागाने घेतला आहे. या विद्यार्थ्यांना शेजारील शाळांमध्ये सामावून घेण्याचे नियोजन आहे. राज्याच्या शिक्षण विभागानेही या प्रस्तावाला मंजुरी दिली आहे. त्यानुसार म्हसकर यांनी पत्राद्वारे जिल्हाभरातील गटशिक्षणाधिकाऱ्यांना याबाबत निर्देशित केले आहे. शाळा समायोजनाची ही प्रक्रिया सुरूही झाली आहे. त्यानुसार जिल्ह्यातील ३०२, तर राज्यभरातील १५ हजार शाळा बंद करण्यात येणार आहेत. त्यामुळे शिक्षकांमध्ये अस्वस्थता आहे. याबाबत संपर्क साधला असता म्हसकर म्हणाले, की शाळा बंद करण्यात येणार ही अफवा असून, याबाबत शिक्षकांत चुकीचा संदेश गेला आहे. कमी पटसंख्येच्या शाळांबाबत शासनाने केवळ माहिती मागविली असून, शिक्षकांनी घाबरून जाण्याचे कारण नाही, असेही त्यांनी सांगितले.  

हेही वाचा > ह्रदयद्रावक; आजोबांना दोन घास दिल्याचे समाधान घेऊनच नात झाली देवाला प्रिय, दसऱ्याच्या दिवशीच हळहळ

हेही वाचा >  पिंपळगावच्या टोमॅटोचा देशभरात डंका! सव्वाचारशे कोटी शेतकऱ्यांच्या पदरात