नाशिक : सलग एकावन्न दिवस गायनाचा नवीन विक्रम प्रस्‍थापित करण्याकडे त्यांची वाटचाल सुरू आहे. त्‍यांच्‍या गायनाच्‍या विक्रमाचे फेसबुक लाइव्‍हद्वारे थेट प्रक्षेपण दाखविले जात आहे. आतापर्यंत त्‍यांनी २१ दिवसांचे गायन केले असून, पुढील तीस दिवस सलग गायन करणार आहेत.
२१ दिवसांत ५०४ तास सलग गायन
गायक दिनेशकुमार यांच्‍याआधी हा विक्रम चीनमधील गायकाने ७९२ तास गायन करून निर्माण केला आहे. त्यानंतर २०१७ मध्ये हा विक्रम भारतातील आठशे गायकांनी एक हजार तास गायन करून मोडला होता. हा विक्रम मोडण्याचा मानस दिनेशकुमार यांनी केला असून, आतापर्यंत २१ दिवसांत ५०४ तास सलग गायन केले आहे. आणखी तीस दिवस गायन करताना ते नवा जागतिक विक्रम प्रस्‍थापित करणार आहेत.
कुटुंबातील चार सदस्य त्‍यांच्‍यासोबत आहेत. त्‍यांच्‍या या गायनाचा कार्यक्रम फेसबुकवर dineshkumar51multivoice singer येथे सुरू आहे. हा कार्यक्रम २४ तास सुरू असून, संगीतप्रेमींनी संगीताचा आनंद अनुभवण्याचे आवाहन केले आहे. गुगल सर्चवर हा कार्यक्रम क्रमांक एकवर असल्‍याचा दावा त्‍यांनी केला आहे. यापूर्वीही त्‍यांनी २०१५ मध्ये सलग २९ तास गायनाचा विक्रम नोंदविला आहे.
संपादन : रमेश चौधरी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.