क्रूर नियती! दीड महिन्यापूर्वीच झाला होता विजयचा विवाह...अचानक कुटुंबीयांवर दु:खाचे सावट

नाशिक / म्हसरूळ : रात्री दुकान बंद करून दोघे भाऊ ॲक्टिव्हा वरून घराकडे जात असताना तारवालानगरकडून अमृतधामकडे भरधाव जाणाऱ्या पिक-अपने जबर धडक दिली, त्यात दोघे गाडीवरून खाली पडले. आणि त्यात असे काही घडले की कुटुंबीयांवर दु:खाचे सावट पसरले.

अजय धुमाळ यांनी दिलेल्या फिर्यादीनुसार धुमाळ बंधूंनी काही दिवसांपूर्वी आडगाव शिवारात खाद्यपदार्थ हातगाडी सुरू केली होती. शनिवारी (ता. ११) रात्री दुकान बंद करून दोघे ॲक्टिव्हा (एमएच १५, ईझेड ९५२७)वरून अमृतधाम-तारवालानगर लिंक रोडने घराकडे जात असताना तारवालानगरकडून अमृतधामकडे भरधाव जाणाऱ्या पिक-अप (एमएच १५, एफव्ही १८१८)ने भास्कर प्लॅनेट इमारतीसमोर जबर धडक दिली, त्यात दोघे गाडीवरून खाली पडले. त्यात विजयच्या डोक्याला, हातापायाला गंभीर मार लागल्याने ते जागीच ठार झाल, तर संजय जखमी आहे. अपघातानंतर पिक-अप घटनास्थळापासून १०० फुटांवर झाडाझुडपांत अडकली. त्यानंतर चालक गाडी सोडून पळून गेला. पंचवटी पोलिस ठाण्याच्या गुन्हे शोधपथकाने पोलिस वाहनातून जिल्हा रुग्णालयात उपचारासाठी दाखल केले. मृत विजय धुमाळ यांचा दीड महिन्यापूर्वी विवाह झाला होता.

हेही वाचा > नाशिक दत्तक घेणारे कुठे गेले?...शिवसेनेचा सवाल

कुटुंबियांवर शोककळा

अपघातात ठार झालेले मृत विजय शंकर धुमाळ (वय २९) जुना गंगापूर नाका परिसरात राहतात. जखमी झालेला त्यांचा लहान भाऊ संजय शंकर धुमाळ यांच्यावर खासगी रुग्णालयात उपचार सुरू आहेत.दुकान बंद करून घराकडे परतणाऱ्या ॲक्टिव्हाला अमृतधाम-तारवाला लिंक रोडवर समोरून येणाऱ्या भरधाव पिक-अपने धडक दिल्याने दोघा सख्ख्या भावांपैकी विजय शंकर धुमाळ जागीच ठार झाले, तर दुसरा भाऊ जखमी झाला. 

हेही वाचा > रात्रीची वेळ..भयानक अंधार..शिक्षक चेकपोस्टवर ड्युटीवर असतानाच निघाला ६ फुटी कोब्रा!