आश्चर्यच! लग्नानंतर दहा वर्षांनी दाम्पत्याला लागली लॉटरी...एक सोडून तिघांची एंन्ट्री!

नाशिक : (जेलरोड) परिसरातील नवजीवन हॉस्पिटल व मॅटर्निटी होममध्ये मागील आठवड्यात तिळे जन्माला आलेत. जन्मलेल्या तिन्ही कन्या रत्नांचे कुटुंबियांनी आनंदात स्वागत केले. लग्न झाल्यानंतर दहा वर्षांनी सदर महिलेला संतती प्राप्त झाली.

लॉकडाउनमध्ये तिघींचे वेलकम

जेलरोड परिसरातील सर्वसामान्यांच्या उपचारासाठी प्रसिद्ध असलेले नवजीवन हॉस्पिटल व मॅटर्निटी होममध्ये तिळे जन्माला आल्याने कुटुंबीयांसोबतच हॉस्पिटलचे संचालक स्त्रीरोगतज्ज्ञ, प्रसूतिशास्त्र तज्ज्ञ डॉ. नितीन आरसुळे व हॉस्पिटलच्या स्टाफचा आनंद गगनात मावत नव्हता. शारीरिक प्रतिकूल परिस्थिती व जगभरात थैमान घातलेल्या कोरोनाचा वाढता प्रादुर्भाव अशा परिस्थितीत आठव्या महिन्यातच सदर महिलेची प्रसूती करावी लागणार असल्याने सर्वांच्याच चिंता वाढली होती. मात्र डॉ. नितीन आरसुळे यांनी परिस्थितीचे गांभीर्य ओळखून सदर स्त्रीला योग्य समुपदेशन करून तिच्यासह तिच्या कुटुंबियांचे मानसिक मनोबल वाढवले. सदर महिलेवर योग्य उपचार करून यशस्वीपणे बाळंतपण करण्यात आल्याने प्रसूत माता व तिच्या कुटुंबीयांनी समाधान व्यक्त केले व जन्मलेल्या तिन्ही मुलींचे आनंदाने स्वागत केले. डॉ. आरसुळे यांना डॉ. सचिन पाटील व नवजीवन हॉस्पिटल व मॅटर्निटी होमच्या सेवकांचे उत्तम सहकार्य लाभले.

हेही वाचा > खून झालेल्या युवकावर बलात्काराचा गुन्हा..? युवती गर्भवती राहिल्याने झाला खुलासा

आई होणे यापेक्षा मोठे सुख जगात दुसरे काही असू शकत नाही. योग्य औषधोपचार, व्यायाम, आहार, गरोदरपणातील दिनचर्या, समुपदेशन यामुळे भयमुक्त व तणावमुक्त प्रसूती होण्यास मदत होते. - डॉ.नितीन आरसुळे, स्त्रीरोगतज्ज्ञ

हेही वाचा > ‘आम्ही पोलिस आहोत’ असा विश्वास दाखवला..अन् निवृत्त एसटी कर्मचाऱ्यासोबत केले असे..