नाशिक / नांदगाव : ‘सर्व लोकांना कळविण्यात येते, की आपल्या गावात झालेल्या हत्याकांडाची ज्याला कुणाला माहिती असेल, त्याला पंचवीस हजारांचे बक्षीस देण्यात येईल हो...’ अशी हाक सध्या अहिराणी व मराठी भाषेत दवंडीच्या माध्यमातून दिली जात आहे.
हत्याकांडाच्या तपासाची चक्रे वेगाने
हत्याकांडाच्या तपासाची चक्रे वेगाने फिरू लागली आहेत. दोन दिवसांत तपासकामातील सर्वच शक्यता आजमावून पाहिल्यावर नांदगाव पोलिसांनी आता पारंपरिक, मात्र दुर्मिळ होत जाणाऱ्या दवंडीचा आधार घेत या प्रकरणाच्या चौकशीच्या वळणावर ही नवी क्लृप्ती शोधली असून, त्याला मिळणाऱ्या प्रतिसादाकडे सगळ्यांचे लक्ष लागले आहे. श्‍वान येऊन गेले, फॉरेन्सिक पथक झाले, सीसीटीव्ही तपासून झाले, या व्यतिरिक्तही ज्या-ज्या शक्यता, हातकंडे असतात त्या सर्वांचा आधार घेतला जात आहे.
गावात दवंडीद्वारे दिली जातेय हाक
त्यातूनच आता वाखारी गावात व परिसरात दवंडी पिटली जात आहे. कुठल्याही मार्गाने या हत्याकांडाचे धागेदोरे हाती लागावे, यासाठी ही धडपड सुरू आहे. मनमाडचे पोलिस उपाधीक्षक समीरसिंग साळवे यांच्या संकल्पनेतील दवंडी रविवारी (ता. ९) दुपारनंतर आकाराला आली. याशिवाय गावातील वार्ताफलकावरही पंचवीस हजारांच्या बक्षिसाची सूचना प्रसिद्ध करण्यात आली आहे. एखाद्या गुन्ह्याच्या शोधासाठी अशा प्रकारे बक्षीस जाहीर करण्याची नांदगाव तालुक्यातील ही पहिलीच घटना असल्याने याबाबत सर्वांनाच कुतूहल आहे.
संपादन - ज्योती देवरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.