मौजमजा करण्यासाठी लढवलेली शक्कल पडली महागात; दोघांची चार तासांत अटक 

नाशिक / घोटी : मुंबई-नाशिक महामार्गावरील माणिकखांब (ता. इगतपुरी) शिवारात उत्तर प्रदेशातील कंटेनरचालकाची लूटमार करणाऱ्या संशयितांच्या पोलिसांनी चार तासांत मुसक्या आवळल्या. काय घडले नेमके?

असा घडला प्रकार

गोकुळ गांगड (वय १९), किशोर गांगड (२२) अशी संशयितांची नावे असून, उत्तर प्रदेशहून मुंबईकडे सोमवारी (ता. १७) सायंकाळी चालक बिरेंद्र यादव (२५) कंटेनर घेऊन जात होता. माणिकखांब शिवारात कंटेनर बिघाडामुळे साईकृपा हॉटेलसमोर दुरुस्तीसाठी थांबला तेव्हा दुचाकीस्वारांनी कंटेनरच्या केबिनमध्ये प्रवेश करत तपासणी सुरू केली. बिरेंद्र यादवच्या लक्षात येताच त्याने कंटेनरवर चढून त्यांना प्रतिकार करण्याचा प्रयत्न केला. विरोध करताच हातावर चाकूने मारून त्यांनी तीन हजार रुपये घेत पोबारा केला.  

हेही वाचा >दुर्दैवी! बैलपोळ्याच्या पूर्वसंध्येला अचानक आलेल्या 'त्या' बातमीने ममदापूर हळहळले..काय घडले नेमके?

अवघ्या चार तासांत जेरबंद

पोबारा करताना चोरट्यांचा मोबाईल वाहनात पडला. घोटीचे सहाय्यक पोलिस निरीक्षक जालिंदर पळे यांच्या पथकाने मोबाईलवरील लोकेशन व वाहन क्रमांकावरून चोरट्यांना अवघ्या चार तासांत जेरबंद केले. दारू पिण्यासाठी व मौजमजा करण्यासाठी चोरी केल्याचे त्यांनी कबूल केले.

हेही वाचा > धाबे दणाणले! नियुक्ती होऊनही उमेदवार कामावर नाही?कारवाई तर होणारच