धक्कादायक! मॉलच्या तिसऱ्या मजल्यावरून तरुणाने घेतली उडी..अन्..

city center mall.jpg
city center mall.jpg

नाशिक : सिटी सेंटर मॉलवरून एका तरुणाने उडी मारीत आत्महत्या करण्याचा प्रयत्न केला. ही घटना गुरुवारी (दि. ५) रात्री साडेआठ वाजेच्या सुमारास घडली. गंभीर जखमी झालेल्या व्यक्तीचे नाव समजू शकले नाही. जखमी व्यक्तीला लागलीच हॉस्पिटलमध्ये दाखल करण्यात आले. घटनेची माहिती मिळताच गंगापूर पोलिस ठाण्याच्या पथकाने घटनास्थळी धाव घेतली. रात्री उशिरापर्यंत तपासाचे काम सुरू होते.

असा घडला प्रकार...

सिटी सेंटर मॉल येथे तरुणाने तिसऱ्या मजल्यावरून उडी घेतल्याने गंभीर जखमी झाला. स्वप्नील मगरे (वय 25, रा. ओझर, नाशिक) असे तरुणाचे नाव आहे. स्वप्नील मगरे याने गुरुवारी (ता. 5) रात्री पावणेआठच्या सुमारास सिटी सेंटर मॉलमधील तिसऱ्या मजल्यावरून उडी घेतली. या घटनेत त्याच्या दोन्ही पायांना गंभीर दुखापत झाली. सिटी सेंटर मॉलचे कर्मचारी संतोष निकम यांनी त्यास जिल्हा रुग्णालयात उपचारासाठी दाखल केले असून, त्याच्यावर उपचार सुरू आहेत. घटनेची माहिती मिळताच गंगापूर पोलिस ठाण्याचे वरिष्ठ पोलिस निरीक्षक डॉ. अंचल मुदगल यांनी घटनास्थळी धाव घेतली. या प्रकरणी गंगापूर पोलिसांत नोंद करण्यात आली असून, त्याच्या या कृत्यामागील कारण समजू शकलेले नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com