BREAKING : VIDEO : मालेगावी पोलिसांना धक्काबुक्की..तरुणांनी सीसीटिव्हीत पाहून केली दगडफेक..धक्कादायक प्रकार!

नाशिक / मालेगाव : मालेगाव शहरातील कोरोनाबाधित रुग्ण व मृतांची संख्या दिवसेंदिवस वाढत असल्याने राज्य शासनाने मालेगाव शहरासाठी विशेष उपाययोजना करण्याची गरज निर्माण झाली आहे. अशातच धक्कादायक घटना घडली आहे.

असा घडला प्रकार
शहरातील अय्युबी चौकात गुरूवारी (ता.23) सकाळी दुध खरेदीसाठी निघालेल्या तरूणाला पोलिसांनी हटकले. तरूणाने अरेरावी केल्याने पोलिसाने लाठीचा प्रसाद दिला. यात या तरूणाच्या हाताला जबर मार लागल्याने संतप्त जमावाने पोलिसांना धक्काबुक्की करत पिटाळले. काही तरूणांनी चौकातील सीसीटिव्ही कॅमेरे फोडण्याचा प्रयत्न केला. पोलिस व राज्य राखीव दलाने हा जमाव पिटाळून लावला. येथील अय्युबी चौक व अल्लामा एकबाल पुल भागात हा प्रकार घडला. या घटनेमुळे परिसरात काहीकाळ तणावाचे वातावरण होते. 

मोठ्या संख्येने नागरिक घराबाहेर..सातत्याने वाद 

याबाबत समजलेली माहिती अशी, संचारबंदी व लॉकडाऊन काळात सकाळी सात ते अकरा यावेळेत जीवनावश्यक वस्तु खरेदीसाठी काही प्रमाणात सुट दिली जाते. यावेळी कुटुंबातील एकाने बाहेर पडून किराणा, अत्यावश्यक वस्तु खरेदी कराव्यात अशी अपेक्षा असते. मात्र मोठ्या संख्येने नागरिक घराबाहेर पडतात. त्यातून सातत्याने वाद होत आहे. संबधित तरूणाला पोलिसांनी हटकले. तो दुध घेण्यासाठी जात असल्याचे समजते. पोलिसांनी त्याला लाठीने  मारहाण केली. त्यात मुलगा जखमी झाल्याने वादाला फुटले तोंड. जमावाने तोडफोड व टाकाऊ वस्तुंची फेकाफेक सुरू केली. जमाव नजीकच्या अल्लामा एकबाल पुलाकडे गेला. तेथील बँरिकेटींग काढली. चौकातील सीसीटिव्ही कॅमेरे त्यावर दगडफेक केली. गर्दीमुळे सोशल डिस्टन्सिंगचा पुन्हा फज्जा उडाला. जमाव वाढल्याने पोलिस माघारी फिरले. काही क्षणात वरिष्ट अधिकारी, अतिरिक्त कुमक व राज्य राखीव दलाचे जवान घटनास्थळी दाखल होताच जमाव पांगला. यानंतर वरिष्ट पोलिस अधिकारींनी जमावाची समजुत काढली.
हेही वाचा > धक्कादायक! "पुढच्या जन्मी आपण एकाच आईच्या पोटी जन्म घेऊ"..चिठ्ठीत कोरोनाची भीती अन्‌ नैराश्‍य ​

हेही वाचा > एक सुशिक्षित डॉक्टर अन् तान्ह्या जुळ्या मुलांची आई आणि आत्महत्या??? गूढ काय?