Dhule Crime News : पिंपळनेर येथे पानमसाल्यासह 12 लाखांचा मुद्देमाल जप्त

Dhule Crime News : येथील कुडाशी रोडलगत मराठा दरबार हॉटेलजवळ रविवारी (ता. ४) रात्री साडेअकराच्या सुमारास पिंपळनेर पोलिस ठाण्याच्या पोलिसांना पेट्रोलिंग करत असताना मटका तस्करी करणाऱ्या वाहनासह अकरा लाख ८० हजार ७७८ रुपये किमतीचा मुद्देमाल पिंपळनेर पोलिसांनी जप्त करत दोन संशयितांना ताब्यात घेतले.

पिंपळनेर पोलिस ठाण्याच्या पोलिसांना पेट्रोलिंग करत असताना वाहनात (एमएच १४, व्हीजे ०३२८) प्रतिबंधित पानमसाला व सुगंधित तंबाखूची विक्रीसाठी वाहतूक करत असल्याचे आढळले. (12 lakh worth of valuables including panamsala seized at Pimpalner dhule crime news)

पोलिसांनी वाहनचालकाला त्याचा परिचय विचारला असता त्याने त्याचे नाव मुक्तार अहमद मुंजर अहमद (वय ४२, रा. मालेगाव किल्लाजवळ, जि नाशिक) असे सांगितले.

दुसऱ्या व्यक्तीचे नाव अफजल अहमद मोहमद शफिक (वय ३२, रा. मालेगाव, आझादनगर, जि. नाशिक) असे आहे. पोलिसांनी वाहनाची तपासणी केली असता पानमसाला, तंबाखूचा साठा मिळून आला.

या प्रकरणी पानमसाला व सुगंधित तंबाखूची वाहतूक करणारा चालक, मुद्देमाल मालक, वाहनाचा मालक, पुरवठादार व मुद्देमाल कोणाकडे जात आहे.

यांच्याबाबत आवश्यक तपास होण्याकामी अन्नसुरक्षा अधिकारी किशोर बाविस्कर यांच्या खबरीवरून तक्रार दाखल केली आहे. सहाय्यक पोलिस निरीक्षक जयेश खलाणे यांच्या मार्गदर्शनाखाली पोलिस उपनिरीक्षक अमित माळी तपास करीत आहेत