Dhule : मेहरगाव शिवारात बिबट्याच्या हल्यात 18 मेंढ्या ठार

कापडणे : मेहेरगाव (ता. धुळे) येथे बिबट्याच्या हल्ल्यात अठरा शेळ्या ठार झाल्या. मेहरगाव-निमडाळे रस्त्यावरील गोट फार्मवर रात्री बिबट्याने हल्ला केल्याचा अंदाज चर्चिला जात आहे. शेतमालक सकाळी शेतावर गेल्यावर हा प्रकार लक्षात आला. या हल्ल्यात दोन ते अडीच लाखांचे नुकसान झाले आहे. (18 sheep killed in leopard attack in Mehragaon area dhule latest news)

मेहेरगाव येथील शेतकरी दिलीप लक्ष्मण भामरे यांच्या शेतातील क्रांती अॅग्रो फार्मवर शंभर शेळ्यांचा कळप आहे. रात्री बारानंतर बिबट्याने जोरदार हल्ला चढविला. बिबट्याच्या हल्ल्यात अठरा शेळ्या ठार झाल्या.

अशी माहिती दिलीप भामरे व वैभव भामरे यांनी सांगितली. घटनेची माहिती वनविभागाला दिल्यानंतर वनविभागाचे अधिकारी-कर्मचारी घटनास्थळी पाहणी करण्यासाठी आले. कोळी यांनी पंचनामा केला.