धुळे : ओळखपत्र नेण्याचे दिव्यांगांना आवाहन

धुळे : वैश्विक ओळखपत्रासाठी (UDID CARD) स्वावलंबन पोर्टलवर ऑनलाइन अर्ज सादर केले आहेत, अशा दिव्यांग बांधवांचे वैश्विक ओळखपत्रे केंद्रीय सामाजिक न्याय व अधिकारिता मंत्रालयाकडून (Union Ministry of Social Justice and Empowerment) समाजकल्याण विभागास प्राप्त झाली आहेत. (Appeal to disabled to take identity card by District Social Welfare Officer of ZP Dhule News)

धुळे शहरातील दिव्यांगांना वैश्विक ओळखपत्र वितरित करण्यासाठी येथील अंधशाळेत शिबिर झाले. त्यास उपस्थित राहून ज्या दिव्यांगांनी वैश्विक ओळखपत्र प्राप्त करून घेतली नाहीत, अशांना दर बुधवार व गुरुवारी सकाळी दहा ते दुपारी दोन या वेळेत वैश्विक ओळखपत्रे वितरणाची व्यवस्था अंधशाळा, गणपती मंदिर रोड, धुळे येथे करण्यात आली आहे. धुळे शहरातील दिव्यांग बांधवांनी नियोजित वेळेत उपस्थित राहून वैश्विक ओळखपत्रे प्राप्त करून घ्यावीत, असे आवाहन जिल्हा परिषदेचे जिल्हा समाजकल्याण अधिकारी प्रल्हाद सोनवणे यांनी केले आहे.