एकनाथ शिंदेंचे समर्थन करणाऱ्या बोर्डाला शिवसैनिकांनी फासले काळे

नाशिक : एकनाथ शिंदे यांच्या बंडानंतर आणि शिवसेना पक्षप्रमुख उद्धव ठाकरे (Uddhav Thackeray) यांनी केलेल्या भावनिक आवाहनानंतर आता शिंदे समर्थक आणि ठाकरेंचे शिवसैनिक यांच्यातील तेढ समोर येताना दिसत आहे.

नाशिक- पुणे रोड वरील आमदार एकनाथ शिंदे (Eknath Shinde) यांचे समर्थन करणाऱ्या बोर्डाला अज्ञात शिवसैनिकांंनी काळे फासले यामुळे काही काळ परिसरात तणाव निर्माण झाला होता. पोलीस येताच या शिवसैनिकांनी पळ काढला.

नाशिक- पुणे रोडवरील गांधीनगर येथील एकनाथ शिंदे यांचे समर्थन करणाऱ्या बोर्डावर शिवसैनिकांनी काळे फासले आहे. अज्ञात शिवसैनिकांनी काळे फसल्यामुळे परिसरात तणावाचे वातावरण निर्माण झाले होते. पोलीस आल्यानंतर बोर्डावर काळे फासणाऱ्या शिवसैनिकांनी पळ काढला. या शिवसैनिकांनी ज्यांनी हे बॅनर लावले त्या योगेश मस्के व सुजित जिरापुरे यांच्या नावावरदेखील काळे शाईने गद्दार असे लिहिले आहे.